Засгийн газрын өнөөдрийн хуралдаанаар хэд хэдэн томилгоо хийж байна. Шинээр томилогдож байгаа албан тушаалтнууд Ерөнхийлөгч У.Хүрэлсүхийн ойрын хүмүүс байгаа нь анхаарал татаж буй.

ШШГЕГ-ын даргаар түүний зээ дүү цагдаагийн хурандаа О.Амарсанааг томилсон бол гадаад харилцааны дэд сайдаар МОНЦАМЭ агентлагийн дарга Г.Амартүвшинг томиллоо.

МОНЦАМЭ агентлагийн хувьд Ерөнхийлөгчийн Тамгын газрын харъяа. Өөрөр хэлбэл, энэ томилгоонуудыг Ерөнхийлөгчийн Тамгын газар хийдэг гэсэн үг. Г.Амартүвшин нь Гадаад явдлын сайдаар ажиллаж байсан Ц.Гомбосүрэнгийн хүү бөгөөд 2021 онд Ерөнхийлөгчийн Тамгын газрын Бодлого хэрэгжилтийн газрын дарга, 2022 оноос МОНЦАМЭ агентлагийн даргаар ажиллаж байсан юм. 

Д.Батчулуун