БОАЖЯ-наас нийслэлийн 20 гаруй байршилд агаарын чанар хэмжигч төхөөрөмж байршуулж буй талаар мэдээлэл хийлээ.

Тэрбээр, “Бид Airly хэмээх энэхүү төхөөрөмжийг Польш улсаас оруулж ирж байгаа. Агаарын бохирдлын тухай мэдээллийг бид ард түмэндээ нээлттэй байдлаар мэдээлдэг байх ёстой. Яг өнөөдрийн байдлаар агаарын чанарыг хэмжигч 18 ширхэг төхөөрөмж ажиллаж байгаа. Эдгээр нь PM 2.5, 10 гэсэн хоёрхон үзүүлэлтээр үздэг юм байна.

Харин бид энэхүү төхөөрөмжийг байршуулснаар хамгийн багадаа 7-8 үзүүлэлтийг гаргах боломжийг БОАЖЯ-аас олгож байна. Зөвхөн Улаанбаатар гэх биш, орон нутгийн агаарын бохирдлын асуудлыг бид анхаарах ёстой. Мөн бид агаарын бохирдол дээр гурван шатлалын төлөвлөгөөг хэрэгжүүлэн ажиллаж байгаа.

Нэгдүгээр шатлалд сайжруулсан шахмал түлшний асуудал, дунд шатлалд хагас коксын үйлдвэрийг байгуулах зэрэг ажлууд бий. Хагас коксыг монголд нийлүүлснээр агаарын бохирдлыг хамгийн багадаа 30-40 буруулна гэсэн дүгнэлтийг “Таван толгой түлш” компанийн зүгээс хэлж байгаа.

Харин олон улсын жишигт 20 гаруй хувиар буулгах боломжтой байдаг ” гэлээ.

Л.Саяан