24 цаг сайт "Солиотой 24" буландаа аймшгийн баярын хамгийн солиотой хувцсуудыг онцлож байна.

24 цаг сайт "Солиотой 24" буландаа аймшгийн баярын хамгийн солиотой хувцсуудыг онцлож байна.

Удахгүй болох аймшгийн баярыг тохиолдуулан Их Британийн загвар зохион бүтээгч Мариана Фантич, Доминик Янг нар гайхалтай уран бүтээлээ санал болгосон байна. Тэд “хүний” шүдэн ултай гутлыг урласан талаар Телеграф мэдээлсэн байна.

Аймшгийн баярт зориулагдсан гутлын уланд 1050 ширхэг шүд орсон гэнэ. Азаар эдгээр шүднүүд хүнийх биш хуванцар шүд ажээ. Гутлын улан дахь хуванцар шүднүүдийг унахгүйгээр маш сайн бэхэлсэн хэмээн зохион бүтээгчид мэдэгдсэн байна.

Тэд гутлаа “Апексын махчин гутал” хэмээн нэрлэсэн байна. Мариана Фантич, Доминик Янг нар гуталнаас гадна “Апексын махчин хослол”-ыг санал болгожээ. Хүний үсээр хийж, шүдээр чимэглэсэн хиймэл нүдэн товчтой энэ хослолыг махчин гуталтай хослуулан бүтээжээ.

Уран бүтээлчид 2008 оноос эхлэн хамтарч ажиллажээ. Тэд “Бидний уран бүтээл нийгмийн болон байгалийн хувьслыг зэрэгцүүлэн харуулахыг зорьсон” хэмээн хэвлэлд ярьж байна. Анх 2010 онд “Апексын махчин гутал”-ыг бүтээсэн нь худалдаанд гаргаагүй юм байна. Харин энэ жилээс захиалгаар үйлдвэрлэх болжээ.