Засгийн газрын хуралдаанаас гарсан шийдвэрийн танилцуулж байна. Энэ үеэр Хууль зүй, дотоод хэргийн сайд Х.Нямбаатар Аялал жуулчлалын хуулийн талаар мэдээлэл өглөө. 

Тэрбээр “ Ерөнхий сайд 2023 оныг Монголд зочлох жил болгон зарлаж байгаатай холбогдуулж аялал жуулчлалын салбарыг хэрхэн яаж хамгийн их жуулчдыг татан төвлөрүүлдэг салбар болгох вэ гэдэгт гол чиглэлээ хандуулж, аялал жуулчлалын тухай хуулийн төслийг боловсруулж байна. Аялал жуулчлалын тухай хуулийн гол чиглэл нь Монгол улсад аялал жуулчлалын урсгалын хэрхэн нэмэгдүүлэх вэ, аялал жуулчлалын урсгалын нэмэгдүүлэхэд саад учруулж буй гол хүчин зүйлүүдийг яаж өөрчлөх вэ гэдэгт анхаарлаа хандуулж байна. Монголын онцлогийг бий болгосон аялал жуулчлалын бүтээгдэхүүн бий болгоход төр засгийн дэмжлэгийг хэрхэн үзүүлэх вэ гэдэгт анхаарч байгаа. Аялал жуулчлалын байгуулгын ангиллуудыг бий болгож байгаа.

Мөн аялал жуулчлалын бараа бүтээгдэхүүнийг үйлдвэрлэх компаниуд дотоодын үндэсний үйлдвэрлэгч байх ёстой.

Аялал жуулчлалыг хөгжүүлэхэд хоёр асуудал гол хүндрэлийг учруулж байна.

• Нэгдүгээрт, нислэгийн давтамж, тийзийн үнэ
• Хоёрдугаарт, Монгол Улсад ирэх визийн нөхцөл, хөнгөлөлтийн асуудал байгаа юм. Тиймээс энэ хуулиар шийдэхээр тусгасан. Визийн хөнгөлөлтийн талаар ирэх долоо хоногт хэлэлцэнэ.

Аялал жуулчлалыг хөгжүүлэхэд бидний баримтлах бодлого бол аймаг орон нутаг үзэсгэлэнт газруудын аялал жуулчлалын отгуудын төлөвлөлт, эрх мэдлийг өгнө. Мөн Монгол улсад ирсэн жуулчдад татварын буцаан олголт өгдөг тогтолцоог нэвтрүүлэхээр энэ хуулийн төсөлд тусгасан.

Агнуурын зах зээлийн салбарыг нээлттэй болгоё. Аргаль, угалз, шонхор зэрэг ан амьтны тоо, өсөн нэмэгдэх байдал зэргийг нь харгалзаж агнуурын тоо хэмжээг гаргая. Гаргасан хэмжээгээр нээлттэй дуудлага худалдаагаар зарж борлуулдаг байх. Түүнийг тур операторууд өөрсдийн бүтээгдэхүүн болгох замаар аялал жуулчлалыг дэмжих цогц төрийн бодлогыг энэ хуульд тусгасан” гэв.

Д.Батчулуун