Засгийн газрын хуралдаанаас гарсан шийдвэрийг танилцуулж байна. Энэ үеэр Сангийн яамны Хууль эрх зүйн газрын худалдан авах ажиллагааны хэлтсийн дарга Ц.Батзул мэдээлэл өглөө.
Тэрбээр “Засгийн газрын хуралдаанаар Төрийн болон орон нутгийн хөрөнгөөр бараа худалдан авах тухай хуулийн шинэчилсэн найруулгын төслийг танилцуулж УИХ-д өргөн мэдүүлэхийг зөвшөөрсөн. Засгийн газрын мөрийн хөтөлбөрт тендерт хүний оролцоог буураалах, цаг ууртай холбоотойгоор богино хугацаанд зохион байгуулах үүднээс хэд хэдэн зорилтуудыг хэрэгжүүлээд хуулийн төслийг боловсруулсан.
Нэгдүгээрт, хуулийн төсөлд хүний оролцоог бууруулна. Хэрхэн бууруулах вэ гэхээр 2019 оноос хойш Цахим шилжилт хийж байгаа. Тухайлбал, компаниудаас шаарддаг 70 орчим материал нь төрд байдаг. Зөвхөн төрийн байгууллага хоорондоо материалаа солилцож авдаг болохоор шийднэ.
Хоёрдугаарт, тендер шалгаруулалтыг түргэн шуурхай зохион байгуулдаг байхын тулд илгээдэг материал нь цөөхөн болсон тохиолдолд үнэлгээний хорооны гишүүд цөөхөн материал дээр ажиллана. Цаашдаа тендер шалгаруулалтыг ажлын 30 хоногт зохион байгуулах боломжтой байдлаар тусгасан байгаа.
Гуравдугаарт, тендер шалагруулалтыг нээлттэй ид тод байлгана. Тендерт оролцож байгаа бүх компани нэгнээ харна. Олон нийт зохин байгуулж байгаа хэлбэр, компаниудын нэр, үр дүнг харна. Харин олон нийтэд үнэлгээ хийж байгаа үйл явц харагдахгүй.
Дөрөвдүгээрт, тендерт ороод чанаргүй бараа үйлчилгээ үзүүлдэг асуудал гардаг. Хэрэв хариуцлагагүй хандсан бол тендерт дахин оруулахгүй. Хувийн байгууллагын үүсгэн байгуулагчийг хар жагсаалтад оруулна.
Мөн шинээр танилцуулж байгаа нэг зүйл нь төрийн байгууллагуудын өдөр тутамдаа худалдаж авдаг түргэн элэгдэх чанартай материалыг цахим дэлгүүрт байршуулж байгууллагууд нэг стандартын шаардлага хангасан барааг авах тогтолцоо руу орох юм.
Мөн орон нутаг болон, дотоодод үйлдвэрлэсэн бараануудад боломж олгоно. Дотоодод үйлдэрлэсэн бараа импортын бараатай өрсөлдөхгүй" гэв.
Д.Батчулуун
