Өвөрхангай аймагт МАН-аас УИХ-ын сонгуульд нэр дэвшсэн Н.Төмөрхүү, С.Чинзориг нарыг сонгуулийн сурталчилгаа хийхдээ хууль зөрчсөн гэх маргаан удаан үргэлжилж байгаа билээ. Энэ хэргийг Хан-Уул дүүргийн шүүхээр хэлэлцээд МАН-ын нэр дэвшигчид буруутай гэж үзсэн. Харин Н.Төмөрхүү, С.Чинзориг нар үүнийг эсэргүүцэн нийслэлийн шүүхэд хандсан ч харьяаллын дагуу хэрэг Өвөрхангай аймгийн шүүхэд шилжсэн юм. Тэгвэл Өвөрхангай аймгийн шүүхээс МАН-ын нэр дэвшигчдийг мөн хууль зөрчсөн, буруутай гэж дүгнэсэн. Тиймээс энэ асуудлыг СЕХ яг одоо хэлэлцэж байна. Албаны эх сурвалжийн хэлснээр нэгэнт  Н.Төмөрхүү, С.Чинзориг нар хууль зөрчсөн гэж шүүхийн шийдвэр гарсан тул тус тойрогт өрсөлдсөн АН-ын нэр дэвшигч Г.Батхүү, Д.Зоригт нарыг УИХ-ын гишүүний тангарга өргүүлэх болоод байгаа аж. СЕХ-ны удирдлагууд хурлын дараа дэлгэрэнгүй мэдээлэл хийх бөгөөд маргааш АН-аас нэр дэвшигчдийн нэрийг Ерөнхийлөгчид өргөн барих бололтой.