Ардчилсан нам мэдээлэл хийж байна. Энэ үеэр Ардчилсан залуучуудын холбооны тэргүүн Н.Болдбаатар мэдээлэл өглөө. 

Тэрбээр “Ерөнхийлөгчид 2023 оны төсөвт бүхэлд нь хориг тавь хэмээн шаардлага хүргүүлсэн. Өрхийн орлогын 800 доллар бол зөвхөн орлого. Энэ бол ашиг биш. 800 доллароос дээш бол хүүхдийн мөнгийг өгөхгүй гэнэ. Орлого бүрдүүлж байгаа хувийн хэвшил иргэдээ татвараар далайлгаж байна. Орлогыг нэмнэ гэдэг бол ирэх онд татвар нэмнэ гэсэн үг.

Татварын мөнгийг нэмнэ гэдэг бол ард түмний халааснаас мөнгө авна. Ардчилсан нам удаа дараа шаардлага тавьсан. Харамсалтай нь Монгол Улсын Засгийн газар авч хэлэлцээгүй. Монгол төгрөгийн ханш шалан дээр унасан.

Монгол Улсын засгийн газар өмнөөс нь шүүмжилсэн иргэн болгонд цахим гав зүүлгэж, үг үзэл бодлыг нь хорьж байна. Бүр сүүлдээ ял өгч байна. Энэ бол таван залуугийн асуудал биш. Үг үзэл бодлоо илэрхийлсэн болгоныг барьж хорих, айлган сүрдүүлэх алхам хийх юм байна. Тиймээс хүний эрх, эрх чөлөөг эрхэмлэдэг улс юм бол үг үзэл бодлоо илэрхийлсэн хүнийг хамгаалах ёстой. Ардчилсан нам, Ардчилсан залуучуудын холбоо тэмцэнэ. Үзэл бодлоо илэрхийлсэн залуучуудыг барьж хорьж байгаа нь маш том эмгэнэл” гэв.

Д.Батчулуун