Төрийн өндөр албан тушаалтнууд улсын мөнгө шамшигдуулж, авлигалын хэргээр АТГ-т шалгагдах хэрэг олонтаа гардаг. Ингээд улсын мөнгийг хувьдаа завшиж, авлигалын хэргээр АТГ-т шалгагдаж байсан төрийн өндөр 24 албан тушаалтны 24 баримтыг хүргэж байна.
    Төрийн өндөр албан тушаалтнууд улсын мөнгө шамшигдуулж, авлигалын хэргээр АТГ-т шалгагдах хэрэг олонтаа гардаг. Ингээд улсын мөнгийг хувьдаа завшиж, авлигалын хэргээр АТГ-т шалгагдаж байсан төрийн өндөр 24 албан тушаалтны 24 баримтыг хүргэж байна.

1.    Авлигалын хэргээр нийгэмд хамгийн их дуулиан тарьсан хүн бол МАХН-ын дарга, МУ-ын гуравдах ерөнхийлөгч асан Намбарын Энхбаяр. Тэрээр долоон тэрбумын авилгалын хэргээр АТГ-т шалгагдаж, Сүхбаатар дүүргийн шүүхээс дөрвөн жилийн хорих ял сонссон.
2.    Түүний хэрэгт УИХ-ын гишүүн асан Ц.Батбаяр холбогдсон. Гэхдээ Ц.Батбаярын хэргийг Н.Энхбаярынхаас тусгаарлаж, АТГ-т шалгаж буй. Тэрээр Н.Энхбаярыг ерөнхийлөгч байх үед нийслэлийн Засаг дарга байсан. Энэ үед НИТХ-ын тэргүүлэгчидтэй үгсэн хуйвалдаж, “Өргөө” зочид буудал НӨҮГ /нийслэлийн өмчит үйлдвэрийн газар/-ыг татан буулгаж, “Хар Дун” ХХК-ийн 75 хувийн оролцоотой “Дун Өргөө” компанийг байгуулан нийслэлийн өмчид 453 сая төгрөгийн хохирол учруулсан хэрэгт буруутгагдаж байгаа юм.
3.    Мөн УИХ-ын гишүүн асан Х.Наранхүү. Тэрээр “Эрдэнэт” үйлдвэрт нийлүүлдэг ган бөмбөлгийн хэргээр шалгагдаж байгаа. Түүнийг үйлдвэрийн захирлаар ажиллаж байхдаа албан тушаалын байдлаа урвуулан ашиглаж, “Henlon” компанийн захирал Ж.Мөнхжаргалд давуу байдал олгон нийт гурван удаагийн гэрээнээс нэг сая 797.580 ам.доллар буюу хоёр тэрбум 104 сая 966.180 төгрөгийг хувьдаа завших боломжийг бусдад олгож, байгууллагын өмчийг онц их хэмжээгээр үрэгдүүлсэн хэргээр шалгагдаж байгаа юм.
4.    Түүнчлэн УИХ-ын гишүүн асан Ш.Сайхансамбуу. Тэрээр авилга өгч байсан хүмүүстэйгээ зэрэгцээд сууж байна хэмээн хэлснийхээ төлөө АТГ-т шалгуулж байв. Харин хэргийг АТГ-аас шалгаад өнгөрсөн жилийн зургадугаар сард хэрэгсэхгүй болгосон байдаг.
5.    УИХ-ын гишүүн асан Л.Гүндалайг мөн “Албан тушаалын эрх мэдлээ урвуулан ашигласан, хувьдаа эд хөрөнгө завшсан” гэх хэргээр шалгаж байгаад өнгөрөгч 2011 онд прокурор хэргийг нь хэрэгсэхгүй болгосон билээ.
6.    Монголбанкны ерөнхийлөгч асан, одоогийн Эдийн засаг хөгжлийн дэд сайд О.Чулуунбат. Тэрээр Монголбанкны ерөнхийлөгчөөр ажиллаж байхдаа албан тушаалаа хэтрүүлэн ашиглаж, тус банкны Валютын газрын захирал Ч.Одонтуяатай нийлж, 11 тэрбум, АНУ-ын иргэн Жорж Чайлмерстай хамтарч 35 тэрбум төгрөг завшсан хэрэгт буруутгагдаад байгаа. Түүний хэрэг Нийслэлийн прокурорын газрын хяналтад хянагдаж байна.
7.    УИХ-ын гишүүн Д.Хаянхярвааг мөн хээл хахуулын хэргээр АТГ-т шалгаж байгаа юм.
8.    Мөн өнгөрсөн гуравдугаар сард УИХ-ын гишүүн Х.Баттлуга авилга авсан гэх УИХ-ын гишүүдийн баримтыг АТГ-т хүргүүлж байв. Ерөнхий сайд асан С.Батболд, ЗГХЭГ-ын дарга асан Ч.Хүрэлбаатар, Хууль зүйн сайд асан Ц.Нямдорж, ЭБЭХ-ийн сайд асан Д.Зоригт нарыг шалгуулахаар өгч байсан юм.
9.    Энэ дунд УИХ-ын МАН-ын гишүүдийн MCS-ээс байр хахуулаар авсан тухай дурьдсан байдаг.
10.    Түүнчлэн УИХ-ын гишүүн асан П.Алтангэрэл ч АТГ-т шалгуулж байжээ.
11.    УИХ-ын гишүүн Т.Бадамжунайг ХХААХҮЯ-наас  Жижиг дунд үйлдвэрийг дэмжих сангийн хүрээнд 2012 онд төсөвт тусгагдсан 500 сая төгрөгийг хахуульд авч, сонгуулийн сурталчилгаанд ашигласан хэмээн АТГ-аас шалгаж байна.
12.    Түүнчлэн авилгалын хэрэгт аймгийн засаг дарга нар хамгийн их холбогддог. Тухайлбал, Увс аймгийн Засаг дарга Э.Цасчихэр. Түүнийг Увс аймагт улсын төсвийн хөрөнгөөр барихаар шийдвэрлэсэн Нарийний голын 325 м, Тээлийн голын 75.3 м зам, гүүрийн барилгын ажлыг өөрийн “Мөнхжим” компаниар гүйцэтгүүлэхээр 710 сая, төрийн албан хаагчдын таван давхар, 24 айлын орон сууцыг дөрвөн давхар болгож 120 гаруй сая төгрөг завшсан хэмээн буруутган, анхан шатны шүүхээс 2 жилийн ял оноосон ч Нийслэлийн шүүхээс мөрдөн байцаалтад буцаасан. Одоо түүнийг хэрэг мөрдөн байцаалтын шатанд яваа.
13.    Мөн Говьсүмбэр аймгийн Засаг дарга Ж.Баянмөнх. Түүнийг Говьсүмбэр аймгийн Татварын хэлтсийн даргаар ажиллаж байсан С.Мөнхжаргалаас хоёр сая төгрөгийн авлига авсан хэмээн 5.1 жилийн ял оноосон. Гэвч Нийслэлийн шүүхээс ялыг 2.6 болгон өөрчилж, Улсын дээд шүүхээс хэвээр баталсан билээ.
14.    Түүнчлэн Орхон аймгийн Засаг дарга асан Д.Оюунбатыг Орхон аймгийн Засаг даргаар ажиллаж байхдаа эрх мэдэл албан тушаалаа урвуулан ашиглаж, Спортын ордон бариулсан хөрөнгөөс завшсан хэмээн хоёр шатны шүүхээс 3.6 жил хорих ял ногдуулсан байдаг. Харин Улсын дээд шүүхийн хуралдаанаар хэргийг хэрэгсэхгүй болгосон юм.
15.    Өмнөговь аймгийн Засаг дарга Б.Бадрааг дөрвөн тэрбум орчим төгрөг шамшигдуулсан гэж үзэж, Авилгатай тэмцэх газраас шалгасан ч нотлогдоогүй учир прокуророос түүний хэргийг хэрэгсэхгүй болгосон байдаг.
16.    Мөн Налайх дүүргийн Засаг дарга Б.Баяндэлгэрийг 320 га газрыг БНСУ-ын хөрөнгө оруулалттай “Жэхуан групп”-т их хэмжээний мөнгөөр зарахыг завдсан байж болзошгүй хэмээн АТГ-аас шалгасан байдаг. Гэвч мөрдөн байцаалтын явцад дээрх мэдээллүүд тогтоогдоогүй гэсэн үндэслэлээр Нийслэлийн прокурорын газраас Б.Баяндэлгэрт холбогдох хэргийг хэрэгсэхгүй болгожээ.
17.    Түүнчлэн нгөрсөн гуравдугаар сард АТГ-т Дундговь аймгийн 70 жилийн ойгоор цугларсан хандивын мөнгийг тус аймгийн Засаг дарга Д.Чандмань хувьдаа завшсан байж болзошгүй хэмээн АТГ-аас шалгасан ч эрүүгийн хэрэг үүсгэхээс татгалзаж шийдвэрлэсэн байдаг.
18.    Онцгой байдлын Ерөнхий газрын дарга асан, комиссор П.Даш. Түүнийг төрийн өмчийг хувьдаа завшсан хэмээн хоёр шатны шүүхээс 3.6 жилийн хорих ял оноогоод байгаа билээ.
19.    Мөн Сангийн яамны Төрийн нарийн бичгийн дарга Д.Баттөр АТГ-т шалгуулж байв.
20.    Түүнчлэн Дархан-уул аймгийн Гаалийн газрын ажилтнууд болох Ч.Отгон, Л.Амгалан нар нь их хэмжээний авилга авсан хэргээр шалгуулж байгаа. Тодруулбал БНСУ-аас автомашин оруулж ирдэг Түвшинбаатар гэх залуугаас их хэмжээний авлига авч бензин хөдөлгүүртэй автомашинуудыг нь хийн буюу газан хөдөлгүүртэй болгон өөрчилж онцгой албан татварыг аваагүй байна.
21.    Татварын Ерөнхий газрын дэд дарга Ж.Батбаярыг авилга авсан байж болзошгүй хэргээр АТГ-т мөрдөн байцаалтын ажиллагаа явуулж байна.
22.    Мөн сүүлд ШӨХТГ-ийн дарга О.Магнай өмнөх зөвлөлийнхөө зургаан гишүүнийг АТГ-т шалгуулахаар гомдол гаргасан юм. Учир нь тэднийг импортлогчдыг торгосон 17 тэрбум төгрөгийн шийдвэрийг хүчингүй болгосон нь авилгал авсан байж болзошгүй хэмээн гомдол гаргасан билээ.
23.    Түүнчлэн БЗД-ийн Засаг дарга Мянганы сорилтын сангийн “Цэвэр агаар” төслийг хэрэгжүүлэх хүрээнд төслийн мөнгийг завшсан хэмээн АТГ-т шалгуулж байгаа юм.
24.    Хамгийн сүүлд АТГ-аас МУИС-ын удирдлагуудыг 1-1.5 сая төгрөгийг оюутнуудаас авсан хэргээр шалгаж байгаа юм.