"Оргил" сувиллын уулз­вараас 120 мянгатын уулзвар хүртэлх авто замын хөдөл­гөөнийг хязгаарлаад байсан бол өчигдөр нээжээ. Тодруул­бал, Зайсангийн гудамж, Олим­пийн хорооны урд уулз­вараас ХААИС-ийн уулзвар хүртэл 1.3 км авто замын ажилтай холбогдуулан тус хэсгийг хэсэгчлэн хааж замын ажлыг гүйцэтгэсэн юм. Харин өнөөдөр Япон элчингийн урд талын замыг хааж авто замын хучилтын ажлыг хийхээр болжээ. Энэ ажлын хүрээнд Сүхбаатар дүүргийн нэгдүгээр хороо, Олимпийн гудамж, Гэндэнгийн уулз­варыг мөн засварлаж шинэч­лэх юм байна. Гүйцэтгэгчээр "Ринг Роуд" ХХК ажиллахаар болжээ.

Түүнчлэн Япон улсын бу­цалтгүй тусламжаар 2009 оны зургадугаар сараас барьж эхэлсэн Нарны гүүрийг өнөөдөр нээх ажээ. Гэрээ ёсоор бол ирэх сарын 30-нд гүүрийг хүлээлгэн өгөх ёстой байсан ч шахуу ажил­ласнаар хугацаа­наасаа өмнө ийнхүү хүлээл­гэн өгч байгаа гэнэ.