“Мобиком” компани машин, байрны сугалаагаар хэрэглэгчдийг хуурсан гэх мэдээлэл намжиж амжаагүй байтал тус компани хэрэглэгчдийн эрх ашгийг зөрчсөн тухай мэдээлэл манай сайтад ирлээ.
Мобикомын ажилтан “Нэткапитал” банк бус санхүүгийн байгууллагад огт хамааралгүй 99119446 дугаарын есдүгээр сарын хэрэглээний төлбөр болох 36.529 төгрөгийг нэмж бичжээ. “Нэткапитал”-ынхан илүү төлбөр гарсныг анзаараагүй байхад ажилчид нь алдаагаа мэдээд тус компанид мэдэгдэлгүй алдаатай оруулсан төлбөрийг эргүүлэн татжээ. Өөрөөр хэлбэл "Мобиком"-ынхон өнгөрсөн сарын тооцоо руу буцаж ороод нэгэн хэрэглэгчийн төлбөр дээр дураараа нэмж боджээ.
Уг нь санхүүгийн системд төлбөрийг дурын хүн нэмж, хасах боломжгүй бөгөөд компьютер автоматаар бодоод гаргадаг. Харин энэ систем манай үүрэн телефоны ууган оператор болох "Мобиком"-д үйлчилдэггүйн жишээ энэ аж.
Энэхүү хариуцлагагүй байдлыг “Нэткапитал”-ынхан анзаарч, холбогдох газарт гомдол гаргажээ. Гэтэл алдаа гаргасан хэрнээ утасны төлбөрийг ямар ч холбогдолгүй “Нэткапитал”-тай хувааж хийе гэсэн байна. Гэнэт хэн нэгний ажлаа хариуцлагагүй хийснээс болж төлбөр төлөх болсон хэрэглэгч гайхаж хүлээн зөвшөөрөөгүй аж. Андуурсан төлбөрөө дундуур нь “цавчиж” төлье гэсэн саналыг нь хүлээж аваагүй, авах ч үндэсгүй тул сүүлд "Мобиком" “гариг андуурсан” төлбөрийг нь нөхөн өгчээ.
Гэтэл "Мобиком"-ын ажилчид энэ үйлдлээ зогсоохгүй үргэлжлүүлсээр байгаа юм. Учир нь төлбөрөө төлөхөөр очсон хэрэглэгчдийн дансны хуулга дээр танихгүй олон дугаар гарах тохиолдол олон гарсаар байгаа. Энэ ямар учиртай талаар асуухад “таны ярьсан дугаарууд” гэдэг аж. Хэрэглэгч нөгөө хэдэн дугаараа бодсоор үлддэг хэмээн ярьж байсан. "Мобиком"-ын нэгэн хэрэглэгч "Уг нь сарын хугацаанд хэзээ, хаана хэн рүү ярьснаа санаж байгаа. Гэтэл цаанаас гарч ирж байгаа албан баланс дээр жирийсэн олон танихгүй дугаар. Ганц хоёр танихгүй дугаар байж болно. Үүнийг анзаарахгүй өнгөрсөн байж болно. Гэтэл цаас дүүрэн танихгүй дугаар байгаад нэг л учир нь байна" хэмээн ярилаа. Энэ бол "Мобиком"-ын хэрэглэгчдийнхээ халаас руу гараа дүрж байгаагийн илрэл юм.
Анхдагч хэмээн онгирдог "Мобиком"-ын зарласан урамшуулал бүр асуудал дагуулж байгааг юу гэж ойлгох вэ? Тухайлбал, 9918523 дугаартай хэрэглэгч анх сүлжээ орж ирэхэд нь авчээ. Түүнээс хойш 16 жил барьж байгаа бөгөөд дугаарын ойрын хугацааны тооцоог бодуулахад нэг өрөө байрны үнэ хүрэхүйц төлбөр төлсөн гэсэн тооцоо гарсан байна. Байнга картаар цэнэглэдэг бөгөөд үйлчилгээний хугацаа нь 2038 оны 1-р сарын 19-ны өдөр дуусах аж. Гэтэл ийм үнэнч хэрэглэгчдэд үзүүлж буй урамшуулал нь ичмээр.
Мөн дараа төлбөрт 9999 дугаартай хэрэглэгч 10 гаруй минут ярьсных нь төлөө 15 хоногийн төлбөр нь 80 мянга гарчээ. "Мобиком"-ын дараа төлбөртийн ихэнх хэрэглэгчид төлбөртөө анхаарал хандуулдаггүй гэдэгт санал нийлэх байх. Утсанд мэссэжээр ирсэн төлбөрийг л төлдөг. Тэд энэ сар хэдэн минут ярьж, хэчнээн мессеж бичсэнээ ч боддоггүй. Хэрэглэгчид үүнийг найдвартай нэгдсэн системээр бодож, төлбөрийг гаргадаг гэж боддог. Гэтэл өнгөрсөн сарын төлбөрийг дураараа нэмж, хасч болдог л юм байна. Иймд "Мобиком"-ын хэрэглэгчид та бүхэн өөрсдийн хэрэглээндээ хяналт тавиад сарын төлбөртэйгээ тулгах цаг нэгэнт ирснийг энэхүү баримт харуулж байна.
Мобикомын ажилтан “Нэткапитал” банк бус санхүүгийн байгууллагад огт хамааралгүй 99119446 дугаарын есдүгээр сарын хэрэглээний төлбөр болох 36.529 төгрөгийг нэмж бичжээ. “Нэткапитал”-ынхан илүү төлбөр гарсныг анзаараагүй байхад ажилчид нь алдаагаа мэдээд тус компанид мэдэгдэлгүй алдаатай оруулсан төлбөрийг эргүүлэн татжээ. Өөрөөр хэлбэл "Мобиком"-ынхон өнгөрсөн сарын тооцоо руу буцаж ороод нэгэн хэрэглэгчийн төлбөр дээр дураараа нэмж боджээ.
Уг нь санхүүгийн системд төлбөрийг дурын хүн нэмж, хасах боломжгүй бөгөөд компьютер автоматаар бодоод гаргадаг. Харин энэ систем манай үүрэн телефоны ууган оператор болох "Мобиком"-д үйлчилдэггүйн жишээ энэ аж.
Гэтэл "Мобиком"-ын ажилчид энэ үйлдлээ зогсоохгүй үргэлжлүүлсээр байгаа юм. Учир нь төлбөрөө төлөхөөр очсон хэрэглэгчдийн дансны хуулга дээр танихгүй олон дугаар гарах тохиолдол олон гарсаар байгаа. Энэ ямар учиртай талаар асуухад “таны ярьсан дугаарууд” гэдэг аж. Хэрэглэгч нөгөө хэдэн дугаараа бодсоор үлддэг хэмээн ярьж байсан. "Мобиком"-ын нэгэн хэрэглэгч "Уг нь сарын хугацаанд хэзээ, хаана хэн рүү ярьснаа санаж байгаа. Гэтэл цаанаас гарч ирж байгаа албан баланс дээр жирийсэн олон танихгүй дугаар. Ганц хоёр танихгүй дугаар байж болно. Үүнийг анзаарахгүй өнгөрсөн байж болно. Гэтэл цаас дүүрэн танихгүй дугаар байгаад нэг л учир нь байна" хэмээн ярилаа. Энэ бол "Мобиком"-ын хэрэглэгчдийнхээ халаас руу гараа дүрж байгаагийн илрэл юм.
Анхдагч хэмээн онгирдог "Мобиком"-ын зарласан урамшуулал бүр асуудал дагуулж байгааг юу гэж ойлгох вэ? Тухайлбал, 9918523 дугаартай хэрэглэгч анх сүлжээ орж ирэхэд нь авчээ. Түүнээс хойш 16 жил барьж байгаа бөгөөд дугаарын ойрын хугацааны тооцоог бодуулахад нэг өрөө байрны үнэ хүрэхүйц төлбөр төлсөн гэсэн тооцоо гарсан байна. Байнга картаар цэнэглэдэг бөгөөд үйлчилгээний хугацаа нь 2038 оны 1-р сарын 19-ны өдөр дуусах аж. Гэтэл ийм үнэнч хэрэглэгчдэд үзүүлж буй урамшуулал нь ичмээр.
Мөн дараа төлбөрт 9999 дугаартай хэрэглэгч 10 гаруй минут ярьсных нь төлөө 15 хоногийн төлбөр нь 80 мянга гарчээ. "Мобиком"-ын дараа төлбөртийн ихэнх хэрэглэгчид төлбөртөө анхаарал хандуулдаггүй гэдэгт санал нийлэх байх. Утсанд мэссэжээр ирсэн төлбөрийг л төлдөг. Тэд энэ сар хэдэн минут ярьж, хэчнээн мессеж бичсэнээ ч боддоггүй. Хэрэглэгчид үүнийг найдвартай нэгдсэн системээр бодож, төлбөрийг гаргадаг гэж боддог. Гэтэл өнгөрсөн сарын төлбөрийг дураараа нэмж, хасч болдог л юм байна. Иймд "Мобиком"-ын хэрэглэгчид та бүхэн өөрсдийн хэрэглээндээ хяналт тавиад сарын төлбөртэйгээ тулгах цаг нэгэнт ирснийг энэхүү баримт харуулж байна.
24tsag.mn
Сэтгэгдэл (24)