Засгийн газрын ээлжит буй хуралдаанаас гаргасан шийдвэрийг танилцуулж байна. Хуралдаанаар Авлигатай тэмцэх газрын дэд дарга Г.Азжаргал мэдээлэл өглөө.
Тэрбээр "АТГ, цагдаа, тагнуулын байгуулага Нийслэлийн прокурорын хяналттай мөрдөн шалгах ажиллагаа явуулж байна. Хуулийн байгууллагууд нүүрсний хулгай гэх тодотголтой хэргийг таван үндсэн чиглэлээр шалгаж байна. Үүнд:
- Бүртгэлгүйгээр нүүрс ухсан, олборлосон, хилээр нэвтрүүлсэн асуудлыг
- Нүүрстэй холбоотой гэрээний асуудлыг
- Тээвэртэй холбоотой асуудлууд, тээвэрлэгч компаниудын ард улс төрд нөлөө бүхий хүмүүс байдаг гэсэн хардлагын дагуу шалгаж байна.
- Засгийн газрын шийдвэрээр төслийн санхүүжилттэй холбоотой асуудлыг шалгаж байна.
“Эрдэнэс Тавантолгой” ХК-ийн удирдлагуудтай холбоотой хэрэг маргааныг шалгаж байна. Найман хүнийг баривчилж, түүнээс зургааг нь цагдан хорих саналыг Прокуророос шүүхэд хүргүүлсэн. Энэ албан тушаалтнуудыг бусдаас хээл хахууль авсан, хамаарал бүхий этгээдүүд нь мөнгө угаасан, үндэслэлгүйгээр хөрөнгөжсөн гэх заалтаар шалгаж байна" гэв.
