Өвөрхангай аймгийн аравдугаарт тойрогт нэр дэвшсэн нэр дэвшигчдийн маргаан өнгөрсөн мягмар гаригт эцэслэн шийдэгдэж, МАН-аас нэр дэвшсэн Н.Төмөрхүү, С.Чинзориг нарын нэрийг хасаж, АН-аас нэр дэвшсэн Г.Батхүү, Д.Зоригт нарыг нэр дэвшүүлэхээр болсон.
Үүнийг МАН-ынхан эсэргүүцэж, Төрийн ордны гадна жагсаал зохион байгуулж байгаа билээ. Тэд “АН төрийг хүчээр түрэмгийлэн барьж, замдаа тааралдсаныг шүүх цагдаагаар шийдвэрлүүлж, УИХ-ын гишүүнийг хууль бусаар томилох гэж байна. МАН-аас нэр дэвшсэн С.Чинзориг, Н.Төмөрхүү нар сонгуульд ялалт байгуулсан ч АН элдэв арга хэрэглэж, шүүхээр өөрсдийн талд шийдвэр гаргуулсан. Улс төрийн нам, Засгийн газар, УИХ гээд хэнээс ч хараат бусаар шийдвэр гаргаж байх ёстой шүүх, Сонгуулийн ерөнхий хороо, Үндсэн хуулийн цэц, АТГ бүгдийг АН эрхэндээ авч, өөрсдийн тааллаар шийдвэр гаргуулж байгааг МАН ард иргэдийнхээ дэмжлэгтэйгээр эсэргүүцэж байна” гэсэн. Харин Төрийн ордон дотор УИХ дах МАН-ын гишүүд жагсаж байна. Тэд чуулганы танхимын үүдэнд СЕХ огцор, хууль гууль боллоо гэх бичиг барин зогсож байна.
Б.Чимэг
Сэтгэгдэл (51)