Засгийн газрын ордны гадна Өвөрхангай аймагт нэр дэвшсэн АН-ын гишүүн Г.Батхүү, Д.Зоригт нарыг УИХ-ын гишүүний тангараг өргөхийг эсэргүүцэн жагсаж байгаа билээ. МАН-ын Өвөрхангай аймгийн гишүүд, дэмжигчид өнөөдөр жагсаж байгаа бол маргааш өргөжиж бүр ард түмний жагсаал зохион байгуулахаар болжээ. Маргааш өглөө 10 цагаас Г.Батхүү, С.Зоригт нарыг тангараг өргөхийг эсэргүүцэж бүх ард түмний хугацаагүй улс төрийн суулт зарлах болсныг МАН-ынхан хэлж байна. Тэд Өвөрхангай аймагт нэр дэвшиж, УИХ-ын гишүүний түр үнэмлэхээ аваад байсан Н.Төмөрхүү, С.Чинзориг нарын талд шийдвэр гаргахаас нааш улс төрийн суултаа зогсоохгүй гэж мэдэгдлээ.