УИХ-ын нэгдсэн чуулганы хуралдаан өнөөдөр хоёр удаа товлогдсон ч МАН-ын жагсаалаас болж хойшлоод байгаа. Учир нь өглөө 10.00 цагаас эхлэх байсан чуулганы хуралдааны ирц хүрээгүй. МАН-ынхан Төрийн ордны бүслэн авч, ордон руу нэг ч хүн нэвтрүүлэхгүй байсан. Харин 15.00 цагаас болох чуулганы хуралдааны үеэр УИХ дахь МАН-ын гишүүд чуулганы танхимын хаалгануудыг буйдангаар дарж, хэсэг хэсгээрээ хамгаалалтад авсан юм. Тухайлбал, чуулганы танхимын урд хаалган дээр МАН-ын дарга Ө.Энхтүвшин, УИХ-ын гишүүн Сү. Батболд, Н.Энхболд, Ц.Нямдорж, Д.Оюунхорол, С.Бямбацогт, Д.Дэмбэрэл нарын найман гишүүн даран суужээ. Харин хойд хаалган дээр нь Н.Номтойбаяр, Энх-Амгалан тэргүүтэй залуу гишүүд байгаа юм байна.
Б.Чимэг
Сэтгэгдэл (30)