Өчигдөр шөнө 22 цагийн орчимд Энхтайвны гүүрэн дээр автомашины ноцтой осол гарч, нэг хүн нас барлаа. Энхтайвны гүүрэн дээр явж байсан "Lexus" маркийн автомашин "Isuzu wizard" маркийн автомашинтай мөргөлдөж, осол гарсан даруй "Isuzu wizard" шатаж эхэлжээ. Ослын улмаас "Isuzu wizard" маркийн автомашины жолооч газар дээрээ нас барж, lexus-ын жолооч хүнд гэмтэн, эмнэлэгт хүргэгдсэн байна. Замын цагдаагийн газрынхан ослын шалтгааныг тодруулахаар ажиллаж эхлээд байна. Тус хэргийн талаар Онцгой байдлын ерөнхий газраас тодрууллаа. Эх сурвалжийн мэдээлснээр Шуурхай бүлэг 105-д 22 цаг 19 минутад эхний дуудлага ирсэн байна.