Өвөрхангай тойрсон “намрын халуун өдрүүд” үргэлжилж байна. Улс төрийн нэн сонирхолтой савангийн дуурийн нэг гол дүр болсон “бараг л гишүүн” Д.Зоригтийн тухай сонирхолтой, содон 24 баримтыг 24цаг.мн дэлгэлээ.

1.    “Ардчилсан холбоо” эвслийн Засгийн газрын үед Төрийн өмчийн хорооны газрын дарга болтол дэвшсэн нь түүний улс төрийн карьерийн эхлэл байв.

2.     Д.Зоригт Өвөрхангай аймгийн Өлзийт сумын уугуул, Улаанбаатар хотод төрсөн.

3.     2008 оны УИХ-ын сонгуульд Өвөрхангай аймгийн 10 дугаар тойргоос сонгогдож байв. Сонгогчдын 52,5 хувийн санал авч 4 мандаттай тойрогт 3 дугаар байрт жагсчээ.

4.    Тэрээр улс төрд шинэ цэрэг биш. Үндэсний дэвшлийн нам байгуулагдахад гишүүнээр элсэж, улмаар 1996 оноос МҮАН-ын чуулганы гишүүн, 2000 оноос АН-ын Ерөнхий зөвлөл, ҮЗХ-ны гишүүнээр ажиллаж байв.

Өвөрхангай тойрсон “намрын халуун өдрүүд” үргэлжилж байна. Улс төрийн нэн сонирхолтой савангийн дуурийн нэг гол дүр болсон “бараг л гишүүн” Д.Зоригтийн тухай сонирхолтой, содон 24 баримтыг 24цаг.мн дэлгэлээ.

1.    “Ардчилсан холбоо” эвслийн Засгийн газрын үед Төрийн өмчийн хорооны газрын дарга болтол дэвшсэн нь түүний улс төрийн карьерийн эхлэл байв.

2.     Д.Зоригт Өвөрхангай аймгийн Өлзийт сумын уугуул, Улаанбаатар хотод төрсөн.

3.     2008 оны УИХ-ын сонгуульд Өвөрхангай аймгийн 10 дугаар тойргоос сонгогдож байв. Сонгогчдын 52,5 хувийн санал авч 4 мандаттай тойрогт 3 дугаар байрт жагсчээ.

4.    Тэрээр улс төрд шинэ цэрэг биш. Үндэсний дэвшлийн нам байгуулагдахад гишүүнээр элсэж, улмаар 1996 оноос МҮАН-ын чуулганы гишүүн, 2000 оноос АН-ын Ерөнхий зөвлөл, ҮЗХ-ны гишүүнээр ажиллаж байв.

5.    1993 онд “Монгол шуудан” банкийг 34 хувь нийлүүлэгчтэй, 63.3 сая төгрөгийн дүрмийн сантай байгуулах үед Д.Зоригт таван сая төгрөг нийлүүлж, 7.9 хувийг эзэмшдэг байжээ.

6.    Хожим тэрбээр эхнэр Х.Оюунсүрэн, “Монгол шуудан” банкны захирал, өөрийн дүү Д.Оюунжаргал нарын хамт банкныхаа нийт хувьцааны 97,57 хувийг эзэмшдэг болжээ.

7.    Д.Зоригт 1959 оны 12 дугаар сарын 14-нд төрсөн. Энэ өвөл 53 нас хүрнэ. Төрсөн өдрөөрөө гишүүн, эсвэл эгэл иргэн байх их маргаан одоо ид өрнөж байна.

8.    Түүний албан ёсны намтарт эхнэр, гурван хүүхэдтэй гэж дурдсан байдаг. Гэвч...

9.    Гэвч түүнийг 1990 оны мисс Н.Мөнхцэцэгтэй нэг хэсэг нэр холбон бичиж байсан бөгөөд ортой гэдгийг нь манай “гялгар” сэтгүүлүүд ч баталж байв.


10.    1977 онд нийслэлийн 41 дүгээр дунд сургууль, 1982 онд Ростовын Барилгын инженерийн дээд сургуулийг инженер-эдийн засагч мэргэжлээр төгссөн.

11.    2008 оны УИХ-ын сонгуулиар Өвөрхангай аймагт дэвшихдээ “40 үйлдвэр барьж байгуулна. Ингэснээр 10000 ажлын байр бий болно” хэмээн амлаж байжээ.

12.    “Монгол Шуудан” банкыг “Хадгаламж банк”-тай нэгтгэхдээ хувьцаагаа зарах гэж байгаагаа жижиг хувьцаа эзэмшигчдэд мэдэгдээгүй, тэдэнд хуулийн дагуу худалдан авах давуу эрх олгоогүй зэрэг үндэслэлээр Улсын дээд шүүхээс Д.Зоригт тэргүүтэй хүмүүсийг хууль зөрчсөн хэмээн тогтоожээ. Гэтэл буруутайг нь баталсан ч хуулийн хариуцлага хүлээгээгүй бөгөөд энэ хэрэг ингээд замхарсан.

13.    Өнгөрсөн УИХ-д гишүүнээр ажиллаж байхдаа нийт 9 хууль санаачилж, 50 гаруй хуулийн төслийн ажлын хэсэгт ажиллаж байжээ.

14.    Тэрбээр өнгөрсөн парламентад сүүлийн гурван жил дараалан хамгийн баян гишүүнээр тодорч байв. Түүний хөрөнгө 34 тэрбум төгрөгт хүрчээ.

15.    Мөн хөрөнгийн үзүүлэлт нь хамгийн том “хөдөлсөн” хүнээр тодорч байжээ. Учир нь түүний орлого 2009 онд 26,9 тэрбум төгрөг байсан бол 2010 онд 1,2 тэрбум төгрөг болтлоо эрс буурсан аж.


16.    Мисс Н.Мөнхцэцэг, Д.Зоригт нарыг хүүтэй хэмээн “Соронз” сэтгүүл зургийг нь нийтэлжээ. Няцаагаагүй.  

17.    “Эрдэнийн хувь” буюу “Баян Монгол” корпорацийн тухай хуулийн төслийг Л.Болд, Б.Батбаяр, Я.Батсуурь, Д.Ганхуяг, Д.Одхүү нарын хамт санаачилж, Хүний хөгжил сангийн тухай хуулийн төслийг боловсруулан батлуулах ажлын хэсэг байгуулагдахад, АН-ын бүлгийн Ажлын хэсгийн ахлагчаар ажиллаж байжээ.

18.    УИХ-ын гишүүн байхдаа Д.Зоригт өөрийн сонгогдсон Өвөрхангай аймагт олон тооны машин өвс, тэжээл хүргэж өгснийхөө хариуд  2008 онд Улсын Нөөцийн газрын дарга асан Л.Алтангэрэлд “Монгол шуудан” банкнаасаа 9.8 тэрбум төгрөгийн зээл олгосон гэх мэдээлэл байдаг. Нотлогдоогүй.

19.    "Одод", "Асу", "Орхон булаг", "Миг даатгал", "Гермес", "Кимон", "Эф эйч ди", "Эм си эс цамхаг", "Нэмнэ", "Реалтор", "Медуб", "Новиза", “Хайлааст”, "Багануур", "Интернэшнл медикал сентер", "Интернэшнл техникал коллеж" гэсэн нийт 17 компанийн хувьцаа эзэмшдэг.

20.    Түүний гэргийг Х.Оюунсүрэн гэдэг бөгөөд тэрбээр нүүрний мэс засалд ороод амжилтгүй болсон талаар хэвлэлээр шуугиж байсан.

21.    Х.Оюунсүрэн “UB mart” дэлгүүр, Зайсан дахь “American school”–ийг хариуцан ажиллуулдаг.

22.    Түүнийг спортод элэгтэй, өөрөө ч их спортлог гэдэг.

23.    Т.Хасбаатар гэж нөхөр Д.Зоригт нарыг гүтгэн намынхаа эсрэг ажилласан тул өнгөрсөн сонгуулиар Өвөрхангайн намын даргаасаа мултарч, улмаар бүр намаасаа ч хасагджээ.

24.    Түүнийг УИХ-ын гишүүний тангараг өргүүлэхгүй гэж МАН-ынхан суулт хүртэл зарлажээ. Д.Зоригтын асуудал ийнхүү М.Энхболд, Ц.Нямдорж, С.Батболд нарыг жагсагч болгоход хүргэжээ.