2008 оны 11 дүгээр сарын дөрөвний өдөр Барак Хуссэйн Обама АНУ-ын 44 дэхь ерөнхийлөгчөөр сонгогдсоноор түүний гэр бүл олны анхаарлыг татах болсон юм. 2012 оны сонгуульд дахин нэр дэвшиж буй Обамагийн гэр бүл өнгөрсөн дөрвөн жилийн хугацаанд америкчуудын сонирхолтой мэдээ байсаар ирсэн нь ерөнхийлөгчийн гэр бүлийнхнийг жинхэнэ утгаар олонд таниулжээ. Барак Обама болон түүний гэр бүлийн хоббиг 24 цаг сайт хүргэж байна.

Обамагийн хобби- Түүний чөлөөт цагаараа хамгийн түрүүнд хийх дуртай зүйл нь сагсан бөмбөг тоглох. Ахлах сургуулийнхаа сагсан бөмбөгийн шигшээ багт байсан Барак Обама цагаан ордны зааланд олон цагийг өнгөрүүлдэг. Обама хүүхдүүдтэй сагс тоглох тун ч дуртай.
Мишелийн хобби судоку- АНУ-ын тэргүүн хатагтай Мишель Обамагийн хобби судоку бөглөх. Тэрээр өөрийн фэйсбүүк хуудаснаа сонгуулийн кампанит ажлын үеэр өглөө бүр дөрвөн цагт босох дуртай хэмээгээд хийх дуртай зүйлийнхээ жагсаалтыг судоку бөглөх, ээж байх хоёроос эхлүүлжээ.
Обамагийн үйлчлүүлдэг үсчний газар- Сүүлийн 20 жилийн турш Обама нэг л газраар үйлчлүүлжээ. “Hyde Park” үсчний газрын үсчин Жон Смит “Манайх Обамагийн үсээ засуулах дуртай цорын ганц газар байж болох юм. Ерөнхийлөгчийг үсээ засуулахад хэн ч улс төр болон ямар нэгэн зүйлийн талаар түүнээс шалдаггүй. Обама зүгээр суугаад л үсээ засуулдаг” хэмээн ярьжээ.
Обамагийн итгэлтэй эмч- Обамагийн итгэлтэй эмч “Hyde Park”-ын дотрын эмч Девид Шнэйдер. Обамаг 21 жил үзэж буй Шнэйдер Обамагийн удамд хорт хавдраар нас барсан хүн байсныг судалж мэдээд ихэд санаа зовжээ. Мөн түүнийг тамхинаас гарахыг байнга зөвлөдөг байна.

Хооллох дуртай ресторан- Обамагийн гэр бүлийн өссөн газар Чикаго. Тэд энэ хотод байнга очиж хооллох дуртай цөөхөн ресторанууд бол “Topolobampo”, “RJ Grunts”, “Sepia”, “Spiaggia”, “Vliois Cafeteria”, “MacArthur’s” аж. “MacArthur’s”-ийн ахлах тогооч Обамагийн хоолыг бэлдэж байна.

Харин Обамагийн гэр бүлийн дуртай пиццаны газар бол “California pizza kitchen”. “Нью-Йорк таймс” сонин тэдний гэр бүлийг өнгөрсөн амралтын өдрүүд, мөн өмнөх амралтаараа энд хооллосныг дурдсан байна.

Мишелийн хайртай загвар зохин бүтээгч- Тэргүүн хатагтайг ихэнх тохиолдолд албаны шинжтэй энгийн хувцас өмсдөгийг та мэдэх биз. Түүний дуртай загвар зохион бүтээгчид Марич Пинто, Такүүн Паничкүл нар аж. Тэд завгүй Мишельд хичнээн даашинз хийж өгснийг хэн мэдэх.

Обамагийн дуртай брэнд- Ажил хэргийн шаардлагаар ерөнхийлөгчийн байнга өмсдөг хувцас бол костюм. Барак Обамагийн байнга өмсөх дуртай костюмууд ихэнх нь Hart Schaffner Marx брэндийнх. Энэ брэндийн костюм доод тал нь 1300 долларын үнэтэй.

Очих дуртай амралтын газар- Обамагийнхны амрах дуртай номер нэг газар бол Хавайн арал. Обама ч өөрөө Хавайд төрж, өссөн болохоор энэ аралд түүний олон найз нөхөд байдаг. Барак Обама өнгөрсөн наймдугаар сард сонгуулийн кампанит ажлынхаа дундуур Хавайд удаан хугацаагаар амарч, ихээхэн шүүмжлэлд өртсөн билээ.

Обамагийн дуртай амттан- Обама “Fran’s”-ийн шоколаданд нугасгүй. Ялангуяа хатуу чихэртэй сүүтэй шоколад түүний илүүд үздэг амттангуудын нэг. Харин Мишель “Sean Seedlock”-ийн хар шокаладыг идэх дуртай.

Обамагийн дуртай ундаа- Барак Обама “Black Forest Berry”-ийн зөгийн балтай цайны улаан фень. Тэр заримдаа ус уух дуртай боловч зөөлөн ундааг таашаадаггүй байна.


Обамагийн охидын хобби- Том охин Малия хөл бөмбөг тоглох, бүжиглэх хоббитой бол бага охин Саша гимнастикаар хичээллэх дуртай. Харин эгч дүү хоёр хоёулаа төгөлдөр хуур, теннис тоглох дуртай.

Дуртай хөгжимчин- Барак, Мишель Обама нар хоёулаа Стив Уондерын хөгжмийг сонсох дуртай.


Хайртай зохиолч- Мишель хатагтай Тони Моррисоныг дуртай зохиолчоор нэрлэсэн. Харин Обама ч мөн Тони Моррисоны “Малкольмын амьдралын түүх”, “Соломоны дуу” зохиолд дуртай гэжээ.


Гэр бүлийн ном- Мишель Обама өөрийн фэйсбүүк хуудаснаа гэр бүлээрээ хүүхдийн ном уншдаг талаараа бичжээ.Тэдний гэр бүлээрээ унших дуртай ном бол “Харри Поттер”.


Дуртай телевизийн шоу- Мишель Обама “Sex and the city” үзэх дуртай бол Обамагийнх “Sports Center”.


Дуртай кино- Обама “Касабланка”, “Загалмайлсан эцэг” 1,2-р анги, “Тахианы үүрэн дээгүүр нэг удаа ниссэн нь” киног үзэх дуртай хэмээн жагсаасан бол Мишель хүүхдийн кино үзэх дуртай гэжээ.


Сүлжээ ресторан- Обамагийнхны дуртай сүлжээ хоолны газар бол “Pete’s Subway”, “Where it all began”.


Орд- Обама арслан, Мишель матар, Малия мэлхий, Саша хамтатгахын орд.


Хэв маяг- Аав, ээж Обама нар охидоо хатуу гараар хүмүүжүүлдэг. “People” сэтгүүлд өгсөн ярилцлагадаа тэд охиддоо төрсөн өдрөөр нь бэлэг өгдөггүй гэжээ. “Тэдэнд нэг өдөрт хэдэн зуун доллар үрэхийг заахын оронд хэмжээ хязгаартай байж сурахыг заахыг хичээдэг” хэмээн Обама ярьжээ. Охид нь гэрийнхээ ажлыг хийснийхээ төлөө долоо хоногт нэг доллар л авах эрхтэй байдаг гэж хатагтай Мишель ярьсан байна.


Дашрамд хэлэхэд зөнч Баба Ванга “АНУ-ын улсын 44 дэхь ерөнхийлөгч хар хүн байна, гэхдээ хамгийн сүүлийн хар ерөнхийлөгч” хэмээн зөгнөж байжээ. Энэ зөгнөлд АНУ-ын эдийн засаг хямарсан нь түүнийг сонгогдохгүйд хүргэх талаар нарийн тайлбарласан байжээ. Тиймээс энэ жил Обама сонгогдохгүй ч байж болох юм. АНУ-ын ерөнхийлөгчийн сонгууль 11 дүгээр сарын зургаанд болно.