Өвөрхангай аймгийн аравдугаарт тойрогт нэр дэвшсэн нэр дэвшигчдийн маргаан өнгөрсөн мягмар гаригт эцэслэн шийдэгдэж, МАН-аас нэр дэвшсэн Н.Төмөрхүү, С.Чинзориг нарын нэрийг хасаж, АН-аас нэр дэвшсэн Г.Батхүү, Д.Зоригт нарыг нэр дэвшүүлэхээр болсон. Үүнийг МАН-ынхан эсэргүүцэж, Төрийн ордны гадна, дотор жагсаал зохион байгуулж байгаа.
    Өвөрхангай аймгийн аравдугаарт тойрогт нэр дэвшсэн нэр дэвшигчдийн маргаан өнгөрсөн мягмар гаригт эцэслэн шийдэгдэж, МАН-аас нэр дэвшсэн Н.Төмөрхүү, С.Чинзориг нарын нэрийг хасаж, АН-аас нэр дэвшсэн Г.Батхүү, Д.Зоригт нарыг нэр дэвшүүлэхээр болсон. Үүнийг МАН-ынхан эсэргүүцэж, Төрийн ордны гадна, дотор жагсаал зохион байгуулж байгаа.
    Чуулганыг эхлүүлэхгүй хэмээн өчигдөр чуулганы танхимын үүдийг хааж суусан тэд хоёр удаа товлогдсон чуулганыг эхлүүлээгүй. Харин өнөөдөр чуулганы нэгдсэн хуралдаан 10.00 цагт товлогдоод буй. Гэтэл УИХ дахь МАН-ын гишүүд аль хэдийнэ “ажилдаа” оржээ. Тэд нөгөө л уриа лоозонгоо барьсаар чуулганы танхимын үүдийг хаан сууж байна. Харин гишүүд нь солигджээ.
    Өчигдөр Ц.Нямдорж, Д.Лүндээжанцан, Д.Оюунхорол, Ө.Энхтүвшин, Д.Хаянхярваа, М.Энхболд тэргүүтэй намын ахмадууд байсан бол өнөөдөр С.Бямбацогт, Я.Содбаатар, Су.Батболд, Н.Номтойбаяр зэрэг залуу гишүүдээ суулгажээ. Хэдийгээр АН-ын зүгээс чуулганы танхимд ороод асуудлаа шийдье гэсэн боловч МАН-ынхан танхимд орвол бүх зүйлийг хүчээр шийднэ хэмээн зөвшөөрөхгүй байгаа билээ. Юутай ч Төрийн ордон доторх УИХ дах МАН-ын гишүүд аль хэдийнэ “ажилдаа” орж, чуулганыг хийлгэх эсэх нь эргэлзээтэй байна.