Засгийн газраас хэрэгжүүлж байгаа зургаан хувийн зээлтэй "100 мянган айлын орон сууц" хөтөлбөр хэрэгжиж эхлээд удаж байна. Энэ хөтөлбөрт хамрагдах гэсэн иргэдийн цуваа тасрахгүй байгаа. Гэтэл зээл олгож буй Төрийн банкны ажилчид танил талаа түрүүлж зээлд хамруулаад энгийн иргэдийг хохироох явдал газар авчээ. Тиймээс зээлд бүртгүүлсэн ч дугаараараа хамрагдаж чадахгүй байгаа зарим иргэд АТГ-д хандаж, энэ асуудлыг шалгуулахаар болсон байна.