Өнгөрсөн тавдугаар сарын эхээр АМГ-ын дарга асан Д.Батхуягийг цагдан хорьсон. Түүнийг албан тушаалаа урвуулан ашигласан хэргээр шалгаж байгаа юм. Хэрэг ямар шатандаа явааг Нийслэлийн прокурорын орлогч Ё.Сагсайгаас тодрууллаа.
    Өнгөрсөн тавдугаар сарын эхээр АМГ-ын дарга асан Д.Батхуягийг цагдан хорьсон. Түүнийг албан тушаалаа урвуулан ашигласан хэргээр шалгаж байгаа юм. Хэрэг ямар шатандаа явааг Нийслэлийн прокурорын орлогч Ё.Сагсайгаас тодрууллаа.

-АМГ-ын дарга асан Д.Батхуягийн хэрэг юу болж байна вэ?

-АМГ-ын дарга асан Д.Батхуягийн хэргийг АТГ-аас шалгаж, мөрдөн байцаалтын ажиллагаа дуусч байна. Хэргийг удахгүй яллах дүгнэлт үйлдүүлэхээр прокурорын хяналтад шилжүүлэхээр болсон. Тиймээс прокуророос хэргийг хянаад шүүхэд шилжүүлж шийдвэрлүүлнэ.

-Шүүхэд яг хэзээ шилжүүлэх вэ?

-Аравдугаар сарын сүүлээр юмуу, арваннэгдүгээр сарын эхээр шилжүүлнэ.

-Хэрэгт Д.Батхуягаас гадна ямар хүмүүсийг шалгаж байна вэ?

-АМГ-ын дарга асан Д.Батхуяг, тус газрын геологи кадастрын дарга асан Н.Даваацогт, “Зэлэм” компанийн захирал Н.Жаргалсайхан, Бат-Ирээдүй нарын хүмүүс холбогдон шалгагдаж байгаа.

-Ерөнхий сайд асан С.Баярыг шалгаж байгаа гэх яриа байсан?

-Тийм зүйл байхгүй.

-Д.Батхуягийг лиценз хууль бусаар олгосон гэдэг?

-Тийм. Мөрдөн байцаалтын явцад Д.Батхуяг албан тушаалаа урвуулан ашиглаж, ҮАБЗ-өөс өгсөн чиглэл заалтыг зөрчиж, МУ-д хүчин төгөлдөр үйлчилж буй хуулийн тодорхой заалтыг зөрчиж, нийт 120 орчим ашигт малтмалын хайгуулын лицензийг хууль бусаар дур мэдэн, аж ахуйн нэгж байгууллагуудад олгосон нь тогтоогдсон.

-Мөн “Саусгоби Сэндс” компанийн хэрэгт шалгаж байсан?

-“Саусгоби Сэндс” компани Өмнөговь аймгийн зарим сумдын нутагт үйл ажиллагаа явуулдаг. Тус компани хайгуулын таван лиценз эзэмшдэг байсан. Тэр таван лиценз цуцлагдах хуулийн үндэстэй. Учир нь тухайн таван лицензтэй газраа хайгуулын доод хэмжээний зардал гаргаж, хайгуул хийх ёстой байтал ямар ч зардал гаргаж хайгуул хийгээгүй. Тиймээс АМГ-аас лицензийг цуцлах шийдвэр гарсан байсан. Гэвч АМГ-ын дарга Д.Батхуяг нь таван лицензийн дөрвийг нь цуцлуулахгүйгээр эрхийг нь сэргээлгэж, компанид буцаан олгосон байдаг. Нэг лицензийг нь  компаниас өөрөө авч, хэлстийн дарга Н.Даваацогтоор шийдвэр гаргуулж, өөрийн найзын “Зэлэм” компанид хууль бусаар шилжүүлж өгсөн байгаа. Тэр хууль буаар шилжүүлж өгсөн 52.61 дугаартай хайгуулын лиценз нь нийтдээ 72 мянган их газарт хамаарсан 42 сая тонн нүүрсний нөөцтэй гь тогтоогдсон.

-Тухайн үеийн ханшаар уу?

-2010 оны зах зээлийн ханшаар 2 тэрбум долларын өртөг бүхий нөөцтэй ордыг хууль бусаар бусдад шилжүүлсэн нь тогтоогдсон.

-Бүгд хоригдож байцаагдаж байгаа юу?

-Зэлэм компанийн захирал Н.Жаргалсайхан батлан даалтад, бусад нь хоригдож байгаа.