Улсын хөрөнгө үрэгдэж, завшиж, хувьдаа ашигласан төрийн андар албан тушаалтнуудын хэрэг эхнээсээ шүүх рүү шилжиж байна. Нийслэлийн прокурорын орлогч Ё.Сагсайгийн мэдээлснээр, энэ аравдугаар сард багтаж, гурван эрхмийн хэрэг шүүхэд шилжих нь.
    Улсын хөрөнгө үрэгдэж, завшиж, хувьдаа ашигласан төрийн андар албан тушаалтнуудын хэрэг эхнээсээ шүүх рүү шилжиж байна. Нийслэлийн прокурорын орлогч Ё.Сагсайгийн мэдээлснээр, энэ аравдугаар сард багтаж, гурван эрхмийн хэрэг шүүхэд шилжих нь.
    Тодруулбал, Сонгинохайрхан дүүргийн Засаг дарга Ц.Болд. Тэрээр Нийслэлийн хот тохижилтын газрын даргаар ажиллаж байхдаа Нийслэлийн захирагчийн албаны орчны бохирдол хог хаягдалтын менежментийн хэлтсийн дарга асан Н.Дэлгэрбаяр, Хот тохижилтийн газрын нягтлан бодогчоор ажиллаж байсан Н.Баяраа нартай урьдчилан тохиролцож бүлэглэж, төрийн байгууллага, төсвийн хөрөнгөд 88 сая орчим төгрөгийн хохирол, мөн 61 сая орчим төгрөгийн эд хөрөнгийг бусадтай бүлэглэн завшиж, үрэгдүүлсэн нь мөрдөн байцаалтын явцад тогтоогдоод байгаа юм.

    Мөн АМГ-ын дарга асан Д.Батхуяг. Тэрээр АМГ-ын дарга байхдаа албан тушаалаа хэтрүүлэн ашиглаж, хоёр тэрбум долларын өртөг бүхий нөөцтэй ордыг хууль бусаар бусдад шилжүүлсэн нь тогтоогдсон билээ.

Түүнчлэн УИХ-ын гишүүн асан Д.Дондог. Түүний хэргийг мөн энэ сард багтаан шүүхэд шилжүүлнэ. Тэрээр бусадтай бүлэглэн, олон удаагийн үйлдлээр 242 мянга ам.доллар, 400 сая төгрөг залилан авч, уг мөнгийг өөрийн сонгуулийн сурталчилгаандаа зарцуулсан нь тогтоогдсон байна. 

    Мөн “Анод”-ын хэрэг тодотголтой Анод банкийг дампууруулсан удирдлагуудын хэрэг Баянзүрх дүүргийн шүүхэд шилжээд байгаа. Тус хэрэгт Монголбанкны Тэргүүн дэд ерөнхийлөгч Б.Энххуяг, Хяналт шалгалтын газрын захирал асан Ж.Ганбаатар, СЗХ-ны дарга Д.Баярсайхан, “Анод” банкны ТУЗ-ийн гишүүн Л.Уламбаяр, Н.Даваа, Э.Гүр-Аранз, Д.Энхтөр нарын албан тушаалтнууд яллагдагчаар татагдаад байгаа юм. Хэрэг энэ сарын 8-нд шилжсэн ба хурлын тов 30 хоногийн дотор гарах юм байна. Тэгэхээр Анод банкны удирдлагуудад холбогдох шүүх хурал ирэх сарын эхээр товлогдоно.