“FT group”, “Familymart”, “Wayfair” гэх нэршилтэй хэрэглээний программ ашиглан иргэдийг мэхэлж, их хэмжээний хохирол учруулж байгаа асуудлаар Нийслэлийн цагдаагийн удирдах газраас мэдээлэл өгч байна. Энэ үеэр ЦЕГ-ын Мөрдөн байцаах албаны Кибер гэмт хэрэгтэй тэмцэх хэлтсийн дарга, цагдаагийн хошууч Ж.Билгүүтэй мэдээлэл өглөө.
Тэрбээр "Тухайн аппликэйшнийг нэг жилийн хугацаанд ашиглан сурталчилгаа түгээж, элссэн үнийн дүнгээс хамаарч өдөрт 2-50 ам.долларын урамшууллыг олгоно гэж залилсан байж болзошгүй байна. Иргэд өөрсдийн болон бусдын орон сууц, тээврийн хэрэгслийг зарж, барьцаалах, мөн хадгаламжаа барьцаалж зээл авсан, хамаарал бүхий хүмүүсээ элсүүлж, эмчилгээнд хадгалсан мөнгө зэргээ залилуулсан нь тогтоогдсон.
"FT group" аппликэйшн нь манай улсын иргэдэд зориулан Монгол хэлний тайлбартайгаар цэс нээж, онлайн худалдааны сайт руу хандан даалгавар биелүүлэн урамшуулал авах замаар үйл ажиллагаа явуулдаг байсан юм.
Дээрх залилах гэмт хэрэг нь 2022 оны арваннэгдүгээр сард Монгол Улсад үйл ажиллагаагаа эхлүүлсэн бөгөөд энэ оны нэгдүгээр сарын 24-ний өдөр хаагдсан байна" гэв.
Д.Батчулуун
