Нийслэлийн прокурорын газраас С.Батдөлийн  цагдан  хорих  хугацааг нэгдүгээр сарын хугацаагаар  сунгуулах  тухай  саналыг Баянгол дүүргийн Эрүүгийн хэргийн анхан шатны шүүхэд энэ сарын 6-ны өдөр хүргүүлжээ.

Шүүх саналыг өнөөдөр хэлэлцэж, хэргийн ээдрээ төвөгтэй байдлыг харгалзан яллагдагчийг цаашид цагдан хорих...”  гэсэн заалтыг үндэслэн  яллагдагч С.Батдөлийн цагдан хорих  хугацааг  1 сарын  хугацаагаар сунгаж  шийдвэрлэв.

Түүнийг:

• Нийтийн албан тушаалтнаар ажиллаж байхдаа олсон орлого болох 7 тэрбум төгрөгийн эх үүсвэрийг хууль ёсны болохыг үндэслэлтэй тайлбарлаж чадаагүй, үндэслэлгүйгээр хөрөнгөжсөн
• Гэмт хэргийн улмаас олсон хөрөнгө, мөнгө, орлого гэдгийг мэдсээр байж түүнийг ашигласан,
• Эх үүсвэрийг нуун далдлах зорилгоор үл хөдлөх хөрөнгө худалдаж авах зэргээр байнга тогтвортой мөнгө угаасан гэмт хэрэгт холбогдуулан Эрүүгийн хуулийн тусгай  ангийн 18.6 дугаар зүйлийн 2 дахь хэсгийн  2.2 дахь заалт / Мөнгө угаах/ мөн хуулийн 22.10 дугаар зүйлийн 1 дэх хэсэгт заасан / Үндэслэлгүйгээр хөрөнгөжих/ зүйл ангиудаар  эрүүгийн хэрэг үүсгэж, мөрдөн байцаалтын ажиллагааг үргэлжлүүлж байна.