“Оюутан цэрэг”-ийн бүртгэлийн талаар БХЯ, ЦХХХЯ, БШУЯ-ны холбогдох мэргэжилтнүүд мэдээлэл хийж байна. Энэ үеэр Батлан хамгаалахын яамны Стратегийн бодлого төлөвлөлтийн ахлах мэргэжилтэн, хурандаа С.Рагчаадорж мэдээлэл өглөө. 

Тэрбээр "Оюутан цэргийн бүртгэл гуравдугаар сарын 10-ны өдөр хаагдана. Гуравдугаар сарын 14-ны өдрөөс эхлээд шаардлага хангасан хүүхдүүд сургуулийнхаа харъяа цэргийнг штаб дээр очоод бүртгэлээ баталгаажуулна. Гуравдугаар сарын 20-ноос эхлээд эрүүл мэндийн үзлэгийн зохион байгуулна. Энэ нь цэргийн албанд эрүүл мэндээр тэнцүүлэх журмын хүрээнд явагдана.

Эрүүл мэндийн үзлэгт тэнцсэн хүүхдүүд биеийн тамирын шалгалтыг мөн өгдөг. Ингээд гурван шатны сонгон шалгаруулалтад тэнцсэн хүүхэд оюутан цэрэг сургалтын онолын сургалтад орох эрхээ олж авна.

Онолын сургалт хоёр сарын хугацаатай, хагас бүтэн сайн өдрүүдэд явагдана. Хүүхдүүдийн хичээл сургалтад саад болохгүй. Үүний дараа зургаадугаар сарын 15-ны өдрөөс эхлээд хээрийн дадлага сургуульд хоёр сарын хугацаанд гардаг. Ингээд хоёр сарын хээрийн дадлага сургууль дууссаны дараа тангарагаа өргөөд, цэргийн нэгдүгээр зэргийн бэлтгэл үүрэгтнээр бүртгэн авдаг" гэв. 

Д.Батчулуун