Өвөрхангай аймгийн аравдугаар тойрогт АН-аас нэр дэвшигч Г.Батхүү, Д.Зоригт нарыг УИХ-ын гишүүний тангараг өргүүлэх шийдвэрийг СЕХ-ноос гаргасан. Уг шийдвэрийг эсэргүүцэж, МАН-ынхан Төрийн ордны гадна, дотор жагсаал зохион байгуулж, чуулганы хуралдааныг хийлгээгүй. Харин өчигдөр АН, МАН-ын төлөөлөл уулзаж зөвшилцөлд хүрчээ. УИХ дахь Ардчилсан намын бүлгийн дарга Д.Эрдэнэбат “МАН-ын гишүүд өнөөдрөөс эхлэн УИХ-ын чуулганы нэгдсэн хуралдаанд оролцох шийдвэрт хүрсэн нь хоёр намын төвшинд хийгдсэн зөвшилцлийн үр дүн төдийгүй Монгол Улсын Ерөнхийлөгчийн зүгээс чуулганы гацааг арилган ард түмнийхээ өмнө хүлээсэн үүргээ биелүүлэх ёстой гэсэн байр суурийг илэрхийлж, ажлаа хийхийг үүрэгдсэнтэй холбоотой. Мөн УИХ-ын сонгуулийн 10 дугаар тойрог буюу Өвөрхангай аймагт Ардчилсан намаас нэр дэвшин өрсөлдсөн Г.Батхүү, Д.Зоригт нарын УИХ-ын гишүүний тангараг өргөх асуудлыг түр хугацаагаар хойшлуулсан. Гэхдээ бүр биш. МАН-ын гишүүд удаа дараа хууль зөрчиж байна. Манай намын гишүүдийн зүгээс хүлээцтэй хандсан. Тангараг өргүүлэх асуудлыг хойшлуулж буй нь бид улс төрийн бодлого, шинэчлэлээс ухарч байгаа зүйл биш. Улс төрийн явцуу эрх ашгаас илүү чухал асуудлаа хэлэлцэх нь зөв гэж үзсэн. Үүнийг далимдуулж МАН-ын гишүүд улс төржихгүй байхыг хүсч байна ” гэлээ.
Б.Золбоо
Сэтгэгдэл (21)