СГЗ хөгжмийн зохиолч Л.Балхжавын “Миний дуунууд-2012” тоглолтод оролцохоор ОХУ-ын “Премьерминистр” хамтлагийн дуучин Б.Амархүү эх орондоо иржээ. Тэрбээр хамтлагийнхаа шинэ уран бүтээлийн ажлын хажуугаар “Миний дуунууд-2012”-т оролцохоор ирсэн нь энэ аж.  Хөгжмийн зохиолч Л.Балхжавын тоглолтод оролцсоны дараа “Премьер-министр” хамтлагтайгаа Улаанбаатарт тоглолт хийх болсон тухайгаа ярьсан байна. Б.Амархүү энэ тоглолтын үеэр монгол дуу, орос хэлээр дуулсан шинэ бүтээлүүдээ толилуулах гэнэ. Мөн “Премьер-министр” хамтлагийн тоглолтод ОХУ-ын хэд хэдэн дуучныг урьсан аж.