Засгийн газрын таван "Ш" хөтөлбөрийн хүрээнд Филиппин улсад амьдарч байсан сайд асан Т.Бадамжунайг эх оронд нь авчирлаа. Энэ үеэр  АТГ-ын дарга З.Дашдаваа мэдээлэл өглөө. 

Тэрбээр "Эрүүгийн хуулийн тусгай ангийн 22-р бүлэгт заасан Авлигын хэрэгт холбогдуулан түүнийг шалгаж байгаа. Тодорхой хэлбэл, авлигын хэрэг. Энэ хүн шалгагдаагүй гараад явсан хүн.

Т.Бадамжунайг яллагдагчаар татаж мөрдөн шалгах үйл ажиллагааг эхлүүлсэн. Өнөөдрөөс эхлэн сэжигтнээр баривчилсан . Цаашид хуулийн дагуу үйл ажиллагааг явуулна. 

Монгол Улстай Авлигын конвенцийн хүрээнд мэдээлэл солилцож, эрхзүйн хүрээнд харилцан туслах гэрээтэй 20 гаруй улс бий. Сэжигтнийг гадаад улсаас албадан авчирч буй анхны тохиолдол байх. Гадаад улсаас албадан авчрах 20 гаруй хүний нэр бий. Иргэний гэм бурууг зөвхөн шүүх шийднэ. Шүүхээр шийдвэр гарсны дараа эрэн сурвалжлах үйл ажиллагааг эхлүүлдэг.

Мөн "Тавантолгой төмөр зам" компанийн захирал Н.Удаанжаргалыг авчирахаар хөөцөлдөж байгаа. Тодорхой үр дүн гарна гэдэгт итгэж байна" гэв. 

Д.Батчулуун