Одоогоос зургаан жилийн өмнө хилийн чанадад Монгол бүсгүйг аймшигтайгаар зэрэмдэглэн хөнөөсөн ноцтой хэрэг гарч, дэлхий нийтийг хиртхийлгэж байлаа. Энэ бол 2006 оны Аравдугаар сарын 19-ний өдөр Монгол бүсгүйн цогцос Малайзын Куала Лумпур хотын захын ойролцоох ойгоос юу ч үгүй болтлоо зэрэмдэглүүлсэн байдалтай олдсон явдал. Хамгийн аймшигтай нь бүсгүйн толгой руу нь буудаж,  биед нь "С4" нэртэй тэсрэх бодис зүүж дэлбэлснийг шинжээчид тогтоосон. Ингэж харамсалтайгаар амь насаа алдсан эмэгтэй бол Шаарийбуу овогтой Алтантуяа байсан юм.
Хэргийн шүүх хурал удаа дараа болсон ч манай талд энэхүү хэрэг шийдэгдэж чадаагүй гэдгийг хүн бүхэн мэднэ. Гэтэл өчигдөр энэ хэргийн тухай мэдээ Малайзын хэвлэлд нийтлэгджээ.

   Одоогоос зургаан жилийн өмнө хилийн чанадад Монгол бүсгүйг аймшигтайгаар зэрэмдэглэн хөнөөсөн ноцтой хэрэг гарч, дэлхий нийтийг хиртхийлгэж байлаа. Энэ бол 2006 оны Аравдугаар сарын 19-ний өдөр Монгол бүсгүйн цогцос Малайзын Куала Лумпур хотын захын ойролцоох ойгоос юу ч үгүй болтлоо зэрэмдэглүүлсэн байдалтай олдсон явдал. Хамгийн аймшигтай нь бүсгүйн толгой руу нь буудаж,  биед нь "С4" нэртэй тэсрэх бодис зүүж дэлбэлснийг шинжээчид тогтоосон. Ингэж харамсалтайгаар амь насаа алдсан эмэгтэй бол Шаарийбуу овогтой Алтантуяа байсан юм.
   Хэргийн шүүх хурал удаа дараа болсон ч манай талд энэхүү хэрэг шийдэгдэж чадаагүй гэдгийг хүн бүхэн мэднэ. Гэтэл өчигдөр энэ хэргийн тухай мэдээ Малайзын хэвлэлд нийтлэгджээ.

Хэргийн талаар шинэ нотолгоо дэлгэх цагдаагийн дарга асан Муса Хассанд юу тохиолдов?

Малайзын цагдаагийн дарга асан Муса Хассан 2006 онд амиа алдсан монгол эмэгтэй Ш.Алтантуяагийн хэргийн талаар бүгдийг ярина хэмээн Бангкокд хэвлэлийн бага хурал зарласан байжээ. Төлөвлөгөө ёсоор “Алтантуяагийн аллагын хэргийн талаарх шинэ нотолгоо” нэрт хэвлэлийн бага хурал өнгөрсөн даваа гаригийн 11:00 цагт эхлэх ёстой байв.

Гэвч хэвлэлийн бага хурал зарлагдсанаас хэдхэн цагийн дараа үл таних хүн хурлыг зохион байгуулагч “Тайландын Гадаад сэтгүүлчдийн холбоо”-руу залгаснаар хурал цуцлагдлаа. Сэтгүүлчдийн холбоо ч хурлын талаар ямар нэгэн мэдээлэл өгөхөөс татгалзсан байна.

Харин Куала Лумпурын өдөр тутмын сонин “Star daily”-д “Муса Хассан энэ хэргийн талаар хэлэх ямар нэгэн зүйл байхгүй хэмээн хэлсэн” гэж бичжээ.  Тус хотын өөр нэгэн хэвлэл “Хэн ч юу ч болоогүй мэт энэ талаар мэдээлэл өгөхгүй байна” хэмээн бичжээ.

Цагдаагийн дарга зөвхөн хурлыг цуцлаад зогссонгүй, энэ явдлаас хойш сураггүүй болсон нь магадгүй түүнийг аллагад холбогдсон Нажибын хамсаатнууд сүрдүүлсэн байж мэдэх юм.

Ш.Алтантуяагийн хэргийг эргэн сануулахад

   Шаарийбуугийн Алтантуяагийн амиа алдсан өдөр түүнийг хүргэж өгсөн таксины жолооч энэ хэргийн талаар хамгийн анх цагдаад мэдээлсэн аж. Бүсгүйг түүний нүдэн дээр барьцаалан,  машинд суулган авч одоход хөлсөө ч авч чадаагүй жолооч барьцаалагчдын машины марк, дугаарыг тэмдэглэн авч, цагдаад мэдээлжээ.

  Машиныг хэдэн өдрийн дараа олсон бөгөөд Малайзын Засгийн газарт бүртгэлтэй машин болохыг тогтоосон байна. 2006 оны арваннэгдүгээр сарын 19-нд Малайзын цагдаагийн газрын тэмдэглэлд залуухан ази бүсгүйн үхлийн талаар маш тодорхой бичсэн байжээ. Гэвч уг рапорт одоо хүртэл нууц хэвээр байгаа гэх.

  Бүх зүйл 2002 онд Франц-Испанийн “Армарис” гэх компани Малайзын Засгийн газарт гурван шумбагч хөлөг нийлүүлэх нэг тэрбум еврогийн хэлэлцээ байгуулснаас эхэлжээ. 28 настай Ш.Алтантуяа бүсгүй  “Армарис” болон Малайзын Засгийн газрын хоорондох учир битүүлэг, асар үнэтэй наймааны золиос болсон юм. “Liberation” сонины сүүлийн дугаарт Ш.Алтантуяагийн аллагын хэрэгт Малайзын Засгийн газар, Ерөнхий сайд Нажиб Разак холбоотой гэж бичжээ.

  Харь газар амиа алдсан Ш.Алтантуяа 2004 онд Хонконгт Абдул Разак Багиндатай танилцсанаар түүний хувь тавилан орвонгоороо эргэсэн юм.

  Багиндаг эгч нь тухайн үед аюулаас хамгаалахын ажилтан, Малайзын Стратегийн судалгааны төвийн захирал байжээ. Багиндад оросоос англи хэл рүү орчуулга хийж өгдөг байсан Ш.Алтантуяа Багиндатай удалгүй амрагийн холбоотой болсон байна. Багинда тухайн үед Ерөнхий сайдын орлогч байсан Нажиб Разактай ойр дотно холбоотойгоороо  Куала Лумпурын элитийн хүрээнд багтдаг байжээ.

  2005 онд Ш.Алтантуяа Багиндатай хамт түүний улаан Ferrari-гаар Европоор зугаалсан гэдэг. Гэвч цаад зорилго нь шумбагч хөлөг худалдаж авах хэлэлцээ байжээ. Хэлэлцээг бүр 2002 онд байгуулсан байсан ч чухал заалтуудыг тохироогүй байж. Алтантуяа Парисын нэгэн клубт Нажиб Разак, Багиндатай авахуулсан зургаа үзүүлж байсныг нэгэн найз нь гэрчилсэн боловч Нажиб Разак коран судар дээр гараа тавьж, бүсгүйг амьдралдаа огт харж байгаагүй хэмээн мэдүүлэг өгсөн юм.

2006 оны аравдугаар сард “Армарис” техник үйлчилгээний комисст төлбөрөө тушаасныг сонсоод Алтантуяа  Куала Лумпурт очиж өөрийн хувиа авахыг хүсчээ. Харин Багиндагийн удирдаж байсан техник үйлчилгээний  “Perimekar” түүндолгох 500.000 ам.долларыг өгөхөөс татгалзжээ. Багинда, Алтантуяа нар үүний өмнөхөн хоёр тийш болсон байжээ. Учир нь Нажиб Разакийн хартай эхнэр түүнд ямар ч мөнгө өгөхгүй байхыг тушаасан байна.

Алтантуяа өөр хоёр монгол бүсгүйн хамт Куала Лумпурт очиж, Багиндаг мөнгийг нь өгөхгүй бол хараал хийлгэнэ гэж сүрдүүлжээ.  Харин хэдхэн хоногийн дараа бүсгүй амиа алдсан бөгөөд Малайзын цагаачлалын бүртгэлээс түүний нэр арчигдсан байжээ.

Ш.Алтантуяа гэж хэн бэ?

Ш.Алтантуяа англи, орос хэлээр чөлөөтэй ярихын зэрэгцээ хятад, япон хэлний мэдлэгтэй, өндөр боловсролтой нэгэн байжээ.

ЗХУ-ын Белыйводы, Чимкент, Ленинград хотод 1-6 дугаар ангиа дүүргэж 1990 онд гэр бүлээрээ Монголд ирээд Орос 14, улмаар 84 дүгээр дунд сургуульд суралцсан байна. МУИС-ийн дэргэдэх лицей аравдугаар ангийг төгссөн аж. Дараа нь Хүмүүнлэгийн ухааны их сургуульд суралцаж байгаад Отгонтэнгэр дээд сургууль руу шилжин англи хэлний орчуулагч мэргэжил эзэмшсэн юм байна. Мөн БНХАУ-ын Бээжин хотын Гадаад хэлний их сургуулийн хятад хэлний ангийг орчуулагч, эдийн засагчаар давхар мэргэшсэн гэнэ. Тэнд суралцаж байх хугацаандаа Оросын илгээмжийн нэгэн том компанид орчуулагчаар ажиллаж байжээ.

Сургуулиа төгсч ирээд хувиараа гоо сайхны салон байгуулан бизнес эрхлэх болсон аж. Орос, англи хэлийг сайн эзэмшсэн Ш.Алтантуяа хувийн бизнесийн шугамаар олон улс оронд орчуулагчийн ажлаар зорчиж байсан гэнэ.
Модель Ш.Алтатуяагийн том хүү нь 15, бага хүү нь 10 нас хүрч байгаа аж. “Хар сарнай” хамтлагийн дуучин Маадайгаас салснаасаа хойш нэлээд хэдэн жилийн дараа Малайзын улс төр судлаач Абдул Разак Абдула Багинадатай танилцан хамтран амьдарч байжээ. Хохирогчийн эцэг Шайрийбуу МУИС-ийн багш хүн билээ.

Монголын үзэсгэлэнт бүсгүй Ш.Алтантуяагийн хэрэг зургаан жилийн турш сөхөгдсөөр байгаа ч шийдэгдэхгүй хэвээр л байна. Түүний доорх зургууд Хятадын хэвлэлд нийтлэгдэж байв.