Өнгөрсөн даваа гаригт Налайх дүүрэгт үхрээ усалж байсан малчинг зодож, амьдаар нь шатаасан аймшигт хэрэг гарсан. Тус хэргийг УБТЗ-ын харьяа төмөр замын Баян зөрлөгийн ажилтнууд үйлдсэн байна. Тэд хамаатнууд байсан бөгөөд нэг нь тус зөрлөгийн дарга аж.
    Өнгөрсөн даваа гаригт Налайх дүүрэгт үхрээ усалж байсан малчинг зодож, амьдаар нь шатаасан аймшигт хэрэг гарсан. Тус хэргийг УБТЗ-ын харьяа төмөр замын "Баян" зөрлөгийн ажилтнууд үйлджээ. Тэд хамаатнууд байсан бөгөөд нэг нь тус зөрлөгийн дарга аж.    
   
    Хэргийг Налайх дүүргийн цагдаагийн газраас УМБГ-т шилжүүлэн шалгаж байгаа юм. Тэднийг онц хэрцгий аргаар хүний амийг санаатай бүрэлгэсэн гэх зүйл ангиар эрүү үүсгэн шалгаж, цагдан хориод байгаа билээ.

    Хэргийг сануулбал, Өнгөрсөн амралтын өдрөөр шөнөжин архи уусан Баян зөрлөгийн ажилтнууд өнгөрсөн даваа гаригийн өглөө Хонхорт байдаг "Гоожуур" хэмээх гэдэг газар булгын ус уухаар очсон байна. Гэтэл үхрээ усалж байсан 42 настай Б “Ямар хурдтай давхиж ирдэг юм бэ. Үхэр үргэчихлээ” гэжээ. Гэтэл түүнийг ингэж хэллээ хэмээн согтуурхсан этгээдүүд түүнийг зодож, машиндаа суулган, ойролцоох ууланд аваажсан байна. Тэгээд түүн рүү бензин цацаж, ийнхүү амьдаар нь шатаажээ. Түүнийг яаралтай ойролцоох Налайхын эмнэлэгт хүргэж, анхан шатны тусламж үзүүлсэн байна. Дараа нь ГССҮТ-д хүргэсэн ч биеийнх нь 80 хувь нь түлэгдсэн учир шархаа даалгүй нас барсан аж.

    ЦЕГ-ын албаны эх сурвалжаас авсан мэдээллээр "Согтуу залуус түүний хувцас руу бензин цацаад, тамхиныхаа галыг шидэн амьдаар нь шатаасан байдаг. Тэгээд амьд байхаар нь түргэн тусламж дуудсан гэсэн. Хэвлэлээр бичсэн шиг талийгаачийг хөнөөчихөөд булахаар нүх ухсан гэдэг бол худлаа мэдээлэл" гэсэн юм.
   
    Харин энэ талаар УБТЗ-ын удирдлагууд мэдээлэл өгөхөөс татгалзаад байгаа билээ.