Өрөмдлөг хийхээс өмнө цэг тавьж, акт үйлдэж буй зургийг УИХ-ын дарга асан З.Энхболд өөрийн цахим хуудсандаа тавин "Хашааны шонгийн нүх ухдаг суулгадаг өрмөөр метро барихгүй ээ, мангарууд" гэсэн тайлбартай нийтэлжээ. Үүний хариуд Хотын дарга Х.Нямбаатар дараах тайлбарыг хийжээ. Тэрбээр "Өрөмдлөг хийхээс өмнө цэг тавьж, акт үйлддэг ажил хийгдэж байна. Улс хөгжихөөс үхтэл айдаг комплекстой нөхөрдөө. Улс төрийн карьер нь дууссан. Аа тийм бас хүнд өвчтэй, хэзээ мөдгүй болсон юм шиг байна лээ дээ. Метро тавьтал миний нас гүйцэхгүй гээд жиргэсэн байсан зайлуул" гэсэн байна.