“FIBA 3x3 World Cup 2025” тэмцээнд Монгол Улсын эмэгтэй шигшээ баг АНУ-ын шигшээ багийг хожиж шилдэг дөрөвт шалгарлаа.
Өнөөдөр эмэгэй шигшээ баг хагас финалд Польшийн шигшээ багтийн эсрэг 17:25 цагаас тоглоно.
Түүхэн амжилт үзүүлж буй Монгол Улсын 3х3 сагсанбөмбөгийн эмэгтэй шигшээ багийн гишүүдийг танилцуулж байна.
"FIBA 3x3 World Cup 2025" тэмцээнд оролцож буй Монгол Улсын шигээ багийн бүрэлдэхүүн
2. М.Цэрэнлхам
10. Н.Нандинхүсэл
5. Б.Ариунцэцэг
13. О.Хулан
О.ХУЛАН
Тэрбээр 1999 оны долдугаар сарын 27-д төрсөн. "Токио-2020" олимпын наадмын тугчаар сонгогдож байсан. 180 см өндөртэй, 65 кг бөгөөд МУИС-ийг санхүү, менежментийн чиглэлээр төгссөн. Тэрбээр Хятадын Ухань хотын “Ухань Шенфан”багт нэг улирал тоглосон. Энэ нь гадаадын мэргэжлийн лигт тоглохоор болсон анхны монгол тоглогч болсон юм.
"3x3" Дэлхийн чансааны 180 дугаар байрт, Монголын чансааны 7-р байрт бичигдэж байна.
Н.НАНДИНХҮСЭЛ
Тэрбээр 2006 оны есдүгээр сарын 09-д төрсөн. 177 см өндөртэй, 65 кг жинтэй. Арван жилийн сурагч, 16 настай байхдаа тэрбээр "Улаанбаатар Амазонс" багийнхаа гол тоглогч байсан бөгөөд АНУ-ын том академид суралцахаар болсон Монголын анхны эмэгтэй тоглогч болж байв.
"3x3" Дэлхийн чансааны 677 дугаар байрт, Монголын чансааны 30-р байрт бичигдэж байна.
Б.АРИУНЦЭЦЭГ
Тэрбээр “Ulaanbaatar Amazons” багийн тамирчин бөгөөд 2001 оны нэгдүгээр сарын 17-нд Сэлэнгэ аймагт төрсөн. 180 см өндөртэй, 70 кг жинтэй. Отгонтэнгэр их сургуулийг эрх зүйчээр төгссөн. “Ханжоу 2022” Азийн наадмын Монголын багийн тугчаар сонгогдсон.
"3x3" Дэлхийн чансааны 199 дугаар байрт, Монголын чансааны 9-р байрт бичигдэж байна.
М.ЦЭРЭНЛХАМ
1996 оны гуравдугаар сарын 14-нд Баянхонгор аймагт мэндэлжээ. 178 см өндөртэй, 63 кг жинтэй. Оюутан байхдаа ШУТИС-ийн волейбол, сагсан бөмбөг, гандболын шигшээ багт тоглодог байсан. Тэрбээр гандболын улсын шигшээ багийн тамирчин байжээ.
"3x3" Дэлхийн чансааны 1712 дугаар байрт, Монголын чансааны 52-р байрт бичигдэж байна.
А.Сүх
