Улс төрч эмэгтэйчүүд заавал уйтгартай хар өнгийн хослол, намхан өсгийт өмсөж үсээ шуух албагүй. Ихэнхи улс төрч эмэгтэйчүүд ийм имижтэй байдаг ч тэднээс гоо сайхан, хувцаслалтаараа сондгойрдог содон бүсгүйчүүд бий. Хамгийн дур булаам, үзэсгэлэнтэй улс төрч бүсгүйчүүдтэй танилцана уу. Энэ жагсаалтыг Их Британы гүнж Кэйт Мидллтон тэргүүлж байна.
1. Их Британы гүнж Кэйт Миддлтонг энэ цаг үеийн хамгийн дур булаам, үзэсгэлэнтэй улс төрч эмэгтэйгээр тодруулжээ. Уэльсийн гүнж Дианагаас хойш олны анхаарлыг, бас хайрыг ийм ихээр татаж байсан эмэгтэй үгүй. Түүний хувцаслалт дээдсийн хүрээнийхэн дунд шинэ мода авчирдаг. Түүний нөхөртэйгээ авахуулсан нүцгэн зургууд хэвлэлээр гарсан ч Кэйт Миддлтоны нэр хүнд унаагүй юм.
2. Италийн элит гэр бүлээс гаралтай Шарлот Мари Касираги. Тэрбээр сэтгүүлч мэргэжилтэй ч үүнээс илүү морин уралдаанаар алдарт гарсан. Гүнгийн угсаатай гэх тэрбээр улс төрчийн албан тушаалгүй ч улс орныхоо улс төрийн нөхцөлд байнга байр сууриа илэрхийлж, идэвхитэй оролцдог нэгэн. Одоо 27 настай.
3. Алдарт загвар өмсөгч Карла Бруни, Францын экс тэргүүн хатагтай. Тэрбээр загварын ажлаа орхиж, хүүхдүүдээ өсгөхөд гол анхаарлаа хандуулах болсон ч нөхрийнх нь улс төрийн карьерт түүний үүрэг их байдаг.
4. АНУ-ын Бүгд найрамдах намын идэвхитэй гишүүн Мэри Боно Мак.
5. Asturias гэдэг Испаний автономит улсын гүнж Летизиа.
6. Италийн улс төрч Мариа Росариа Карфагна. Тэрбээр улс төрийн карьер хөөхөөсөө өмнө Италийн шилдэг загвар өмсөгч, хөнгөн явдлаараа олон танигдсан нэгэн байжээ.
7. Иорданы хаан Абдуллах II-ийн эхнэр Раниа Ал Абдуллах.
8. Сара Пэйлин бол АНУ-ын ирээдүйтэй, нэртэй улс төрчдийн нэг. Нас ахисан ч гоо үзэсгэлэнтэй байдаг түүнийг олон хов ярианд хутгадаг. Гэсэн ч хувцаслалтыг нь эмэгтэйчүүд байнга ажиж явдаг юм. Сара Пэйлиний зүүдэг хүрээгүй тунгалаг харааны нүдний шил моданд орж, үйлдвэрлэгчид нь ихээхэн ашиг олж байсан удаатай.
9. АНУ-ын Цагаан ордны хоёрдугаар төрийн нарийн бичгийн дарга Дана Мариа Перино.
10. Европын парламентын гишүүн Оачида Дати.
11. Европын парламентын гишүүн Силвана Кох-Мерин. Silvana Koch-Mehrin.
12. Украйны ерөнхий сайд Юлия Тимошинко бол яах аргагүй дур булаам улс төрчдийн нэг. Хэдийгээр улс орондоо ашиггүй гэрээ хийсэн гэж хоригдож байгаа ч өөрийгөө гэм буруутай гэж хүлээн зөвшөөрөхгүй байгаа. Түүнийг шоронд хоригдож байгаа ч тансаг амьдардаг гэдэг.
13. Аргентиний ерөнхийлөгч Кристина Фернандез. Нөхрөө дагаж улс төрд орсон тэрбээр хоёр удаа Аргентиний ерөнхийлөгчөөр сонгогдсон. Түүний хувцсыг зөөдөг тусгай онгоц байдаг гэх бөгөөд олны өмнө гарахдаа нэг хувцсаа хэзээ ч дахиж өмсдөггүй гэж ярьдаг.
14. Японы Hachinohe хотын зөвлөлийн гишүүн Юүри Фүжикава.
15. Израйлийн улс төрч Орли Леви-Абекасис.
Т.Гэрэл
Сэтгэгдэл (6)