1983 оноос тасралтгүй зохион байгуулж буй яруу найргийн “Болор цом” наадмын бүртгэл маргааш эхлэх аж.   Өнгөрсөн жил Архангай аймагт зохион байгуулагдаж байсан бөгөөд энэ наадам энэ жил Улаанбаатар хотноо болно.  
Дашрамд дуулгахад, утга зохиолын оны шилдэг бүтээл шалгаруулах “Алтан-өд 2012” наадмын бүртгэл Монголын зохиолчдын эвлэлийн хороонд эхлээд байна. Яруу найраг, хүүрнэл зохиолын богино болон томоохон бүтээл, жүжиг, кино, хүүхдийн зохиол, утга зохиолын судлал шүүмж, утга зохиолын орчуулга, баримтат уран сайхны киноны зохилыг тус тус шалгаруулах бөгөөд бүртгэл энэ сарын 10-ныг хүртэл үргэлжлэх юм байна.