Яруу найрагчдын бүтээл туурвилаа сойдог хамгийн том наадам болох "Болор цом"-ын бүртгэл өнөөдрөөс албан ёсоор эхэлж байна. 1983 оноос хойш тасралтгүй зохион байгуулагдаж буй "Болор цом" наадам энэ жил 30 дахь жилдээ болох гэж байна. Өнгөрсөн жил тус наадам Архангай аймагт болж, яруу найрагч Д.Болдхуяг  "Монгол хэл" шүлгээрээ "Болор цом"-ын эзэн болж байсан юм. Тэгвэл үүнээс өмнө Дарханд болж өнгөрсөн. Хоёр жил дараалан хөдөө, орон нутагт болсон уг наадмыг энэ удаа Улаанбаатар хотод зохион байгуулахаар болсон  байна.