УИХ-ын даргын захирамжаар байгуулагдсан Барилгын тухай, Хөдөлмөрийн аюулгүй байдал, эрүүл ахуйн тухай хуулиуд болон бусад хууль тогтоомжийн биелэлтийг шалгах үүрэгтэй байгуулагдсан ажлын хэсгийн бүрэлдэхүүнд багтсан УИХ-ын гишүүн О.Баасанхүү Төв шуудангийн урд баригдаж байгаа барилгыг шалгуулахаар АТГ-т өгөөд байсан. Харин АТГ-аас түүнд албан ёсоор хариу өгчээ.
    УИХ-ын даргын захирамжаар байгуулагдсан Барилгын тухай, Хөдөлмөрийн аюулгүй байдал, эрүүл ахуйн тухай хуулиуд болон бусад хууль тогтоомжийн биелэлтийг шалгах үүрэгтэй байгуулагдсан ажлын хэсгийн бүрэлдэхүүнд багтсан УИХ-ын гишүүн О.Баасанхүү Төв шуудангийн урд баригдаж байгаа барилгыг шалгуулахаар АТГ-т өгөөд байсан. Харин АТГ-аас түүнд албан ёсоор хариу өгчээ.

Үүнд,

Танаас Авлигатай тэмцэх газарт ирүүлсэн мэдээллийг хүлээн авч шалгахад дараах байдлууд тогтоогдсон байна.

1."Сүхбаатар дүүргийн 1 дүгээр хорооны нутагт байрлах Ерөнхийлөгчийн өвлийн ордны зүүн тал, орон сууцны С-61 дүгээр байрны баруун талд баригдсан 3 давхар өргөтгөлийн барилгын 1 дүгээр давхрыг иргэн О.Мөнхтөр эзэмшдэг бөгөөд
2009    оноос барьж эхлүүлэн дотор заслыг хийж дуусаагүй байхдаа Говь ХХК-тай харилцан тохиролцож, дотор заслын ажлыг хийлгүүлэн 293 метр кв талбайг түрээслүүлэхээр гэрээ хийж, өнөөдрийг хүртэл Говь ХХК тэнд үйл ажиллагаа явуулж байна.
    2,3 дугаар давхрыг иргэн Г.Самбасанчир эзэмшдэг бөгөөд нэгдүгээр давхрын өргөтгөлийн барилга дээр өргөтгөн 2,3 дугаар давхрыг бариулахаар “КХК” ХХК-тай
2010    оны 7 дугаар сарын 28-ны өдөр гэрээ хийж, ашиглалтад 2010 оны 10 дугаар сарын 28-ны өдөр хүлээн авсан бөгөөд одоогоор энд үйл ажиллагаа явуулаагүй байна.

    Дээрх 3 давхар өргөтгөлийн барилгыг барихдаа Газрын тухай хуулийн 27 дугаар зүйлийн 27.1-д заасан “ Газрыг энэ хуульд заасан зориулалт, хугацаа болзолтойгоор гэрээний үндсэн дээр зөвхөн эрхийн гэрчилгээгээр эзэмшүүлнэ”, Хот байгуулалтын тухай хуулийн 22 дугаар зүйлийн 22.1.2 дахь хэсэгт заасан “...барилга байгууламж барих ажлыг нутгийн захиргааны байгууллага болон эрх бүхий мэргэжлийн байгууллагаас олгосон зөвшөөрлийн үндсэн дээр зураг төслийн дагуу гүйцэтгэх...”, Барилгын тухай хуулийн 10 дугаар зүйлийн 10.1.1-д заасан “...барилга байгууламжийн зураг төсөл нь зургийн даалгавар, газрын зөвшөөрөл,...техникийн нөхцлийн дагуу зохиогдсон байх гэсэн заалтуудыг зөрчсөн, зөвшөөрөлгүй баригдсан болох нь Сүхбаатар дүүрэг хариуцсан архитектор Д.Хан-Уул, Нийслэлийн газрын албаны газар ашиглалт бүртгэлийн хэлтсийн Сүхбаатар дүүрэг хариуцсан газар зохион байгуулагч Ц.Баярмагнай, Нийслэлийн мэргэжлийн хяналтын газрын дэд бүтцийн хяналтын хэлтсийн барилгын техникийн хяналтын улсын байцаагч Ж.Мөнх-Эрдэнэ зэрэг хүмүүсийн тайлбар, “Албадан буулгаж, газар чөлөөлүүлэх тухай Сүхбаатар дүүргийн засаг даргын 2011 оны 175 дугаартай захирамж гэх зэрэг баримтуудаар тогтоогдож байна.

    2.Иргэн С.Нямдаваад Орон сууцны барилга барих зориулалтаар Сүхбаатар дүүргийн 1 дүгээр хорооны нутаг дэвсгэрт орон сууцны С-61 дүгээр байрны баруун талд 0,024 га газрыг Нийслэлийн засаг дарга М.Энхболдын 2003 оны 159 дугаартай захирамжаар олгосон байна. Замын Цагдаагийн газрын Хамгаалалтын тасаг үйл ажиллагаа явуулж байсан, Төв шуудангийн урд хэсэгт байрлалтай 2 давхар барилгыг нурааж шинээр худалдааны офиссын төвийн барилга барих, энэ барилгадаа уг барилгын одоо байгаа нийт талбайг багасгахгүй байхаар тусгаж, 2005-06-05-ны өдөр ашиглалтад оруулахаар ЦЕГ, “Эко контракшн” ХХК /С.Нямдаваа/-ийн хооронд 2004 оны зургадугаар сарын 21 өдөр гэрээ байгуулж, гэрээний заалтыг удирдлага болгон газрын эрх шилжүүлэх тухай албан бичгийг ЦЕГ Нийслэлийн газрын албанд 2004-07-05-нд хүргүүлсэн байна. “Эко контракшн” ХХК нь Хамгаалалтын тасгийн эзэмшил 0.090 га газрыг өөрийн нэр дээр шилжүүлэх хүсэлтийг Нийслэлийн газрын албанд 2004-4-10-ны өдөр гаргасан байна. Үүний дагуу Засгын даргын 2004-8-5 өдрийн 360 тоот шийдвэрийг үндэслэн 1160 га газрыг С.Нямдаваад шилжүүлэхээр Нийслэлийн засаг даргын газар эзэмших эрхийн 048696 тоот гэрчилгээ 2005-03-01-ний өдөр гарчээ.

    Гэвч барилгын ажил хугацаандаа дуусаагүй, уг барилгын техникийн шийдэлд өөрчлөлт орж 25 давхар барилга барихаар төлөвлөгдсөн үндэслэлээр дахин шинэчилсэн гэрээ байгуулж, Хамгаалалтын тасгийн барилгыг Цагдаагийн авто баазын ашиглалтын дөрөвдүгээр хэсгийн дэргэд 2006-9-15-ны өдрөөс эхлэн 2009-9-15-ны өдөр ашиглалтад оруулахаар 2006-1-23-ны өдөр гэрээ байгуулжээ.
2008-2-29-ны өдөр барилгыг хүлээн авч, улмаар Хамгаалалтын тасгийн хоёр давхар тоосгон 9х15 хэмжээтэй төвлөрсөн дулаан хангамжид холбогдсон дөрвөн машины гражтай 107,893,529 төгрөгийн үнэ бүхий барилгыг 500,000 төгрөгийн үнэ бүхий тавилгын хамт ЗЦГ-ын хөрөнгийн орлогод бүртгэж авах тухай ЦЕГ-ын даргын 2009 оны 380 тоот тушаал гарч, одоо Хамгаалалтын тасаг үйл ажиллагаа явуулж байна.

    Мэдээллийг шалгахад дээрх байдлууд тогтоогдсон харин хээл xaxvvль, авилгын гэмт хэргийн бүрэлдэхүүнгүй, эрүүгийн хэрэг үүсгэх үндэслэлгүй байх тул Эрүүгиин баицаан шиитгэх хуулийн 175 дугаар зүйлийг баримтлан мэдээлэлд эрүүгиин хэрэг үүсгэхээс татгалзаж шийдвэрлэсэн болно.
Энэ шийдвэрийг эс зөвшөөрвөл шийдвэрийг хүлээн авснаас хойш долоо хоногийн дотор дээд шатны прокурорт гомдол гаргах эрхтэй" гэжээ.