1990-ээд онд дэлхийн амьд хөгжмийн ертөнцөд ноёрхож байсан “Take me to your heart”, “Paint my love”, “Sleeping child” зэрэг алдарт хит дуу нь монголчуудын зүрх сэтгэлд хоногшсон “Michael Learns to Rock” хамтлаг 12 сарын 7, 8-нд "UB Палас"-ын концертын их танхимд тоглолтоо хийж Монголын фенүүдтэйгээ уулзах гэж байгаа билээ. Энэхүү тоглолтын тасалбар нь өрнөдийн жишгээр ухаалаг карт хэлбэрээр худалдаанд гарсан юм. Энэхүү карт нь нууцлал маш өндөр учраас  ямар нэгэн асуудал гарахгүй гэдэгт итгэж болох гэнэ. Түүнчлэн та уг картаараа дараа дахин тоглолт үзэх боломжтой аж. Картаар буюу Evento.mn сайтаас онлайнаар захиалахын давуу тал нь үзэгчид суудлаа өөрсдөө сонгож авах боломжийг олгож байсан юм. Дэлхийн жишгээр борлуулагдаж байгаа нь Монголын үзэгчдэд таалагдаж эрэлт ихтэй байгааг он-лайн билетийн захиалга дууссанаас харж болох юм. Энэ даваа гарагаас эхлээд онлайн худалдааны тасалбар дууссан тул онлайн захиалгаа хаажээ. Харин тоглолтын тасалбар авч амжаагүй үзэгчид “Монголын Залуучуудын Холбоо”-ны төв байр, “Улаанбаатар палас”-ын кассаар болон “Hi Fi”, “Оранж”  рекордсын бүх салбаруудаас худалдан авах боломжтой аж.