Уншигч та бүхэнд зуны амралтаараа үзэх зургаан киног санал болгож байна. 

-Coco-

90 дэх удаагийн Академи Авардс наадмаар "Шилдэг анимэшн” болон “Шилдэг оригиналь дуу" төрлүүдэд Оскар хүртсэн Коко хэмээх хүүхэлдэйн киног онцолж байна. Уг бүтээл дэлхий даяар 745 сая долларын ашиг орлоготой байгаа нь хэр чансаатайг бүтээл болохыг, шүүмжлэгч, үзэгчдийн таашаалд ихээхэн нийцэж буйг илтгэнэ. Киноны үйл явдлыг Мексикийн үндэсний баяруудын нэг болох “Үхэгсдийн өдөр” дээр тулгуурлан гаргаж ирсэн нь маш сонирхолтой агаад Мексик зан заншил, хөгжим, соёл урлагийг маш оновчтойгоор шигтгэж өгчээ. Хөгжимчин, дуучин болох хүсэлтэй 12 настай хүү Мигуэль Ривера тун санаандгүйгээр үхэгсдийн оронд очин, эрт дээр үед нас барсан элэнц өвөөгийнхөө тусламжтайгаар амьдын ертөнц дэх гэр бүл дээрээ очих аялалд гардаг. 

2017 онд дэлгэцнээ гарсан хамгийн оргил бүтээлүүдийн нэг бол яах аргагүй Three Billboards Outside Ebbing, Missouri. Алтан Бөмбөрцөг наадмаас шилдэг бүтээл, шилдэг эх зохиол шагналыг хүртэж, Оскарын наадмаас шилдэг эмэгтэй гол дүрийн жүжигчин, шилдэг эрэгтэй туслах дүрийн жүжигчний шагналыг тус тус хүртсэн. Охиноо харгис хэрцгий гэмт этгээдийн гарт алдсан хөөрхий ээжийн аргаа барсан үйлдэл хэрхэн Эббинг хэмээх жижигхэн хотын амьдралд нөлөөлж байгааг, энэ хэрэгтэй холбоотой хүмүүсийн амьдралыг хэрхэн өөрчилж байгааг маш өвөрмөц, уран аргаар илэрхийлж чаджээ. 

2017 оны 10 сард нээлтээ хийсэн уг кино Оксарт 5 номинациар нэр дэвшиж, "Шилдэг визуаль эффект" болон "Шилдэг синематограф" гэсэн 2 шагнал авсан. 1982 оны Blade Runner буюу алдарт Ridley Scott-ийн найруулсан шуугиант классик дээр гардаг үйл явдлаас 30 жилийн дараа болж буй энэ үргэлжлэл Кэй (K) хэмээх "ирэн дээгүүр гүйгч" хүн төрөлхтөн болон киборгуудын хооронд дайн үүсгэж болзошгүй томоохон нууцыг илрүүлснээр эхэлдэг. Домогт Harrison Ford өөрийн 35 жилийн өмнөх дүрээ гаргасан бөгөөд Ryan Gosling гол дүрд, сүүлийн үед олны анхаарлыг ихээхэн татаад буй куба жүжигчин Ana De Armas туслах дүрд тоглосон нь дэлгэцийг салахгүй ширтэх нэг "чухал" шалтгаан болж өгчээ. 

Үе үеийн хүүхэд багачуудын хамгийн хайртай дүр бяцхан Винни Пүүх. Тэгвэл та бидний сэтгэл зүрхэнд онцгой байр суурь эзлэн орших энэ бүтээл хэрхэн бодит амьдралд бууж, зохиолч нь хаанаас санаагаа сэдэвлэснийг мэдэх үү? Goodbye Christopher Robin чухам эдгээр асуултуудад хариулт өгөх болно. Энэ бол Пүүхийн зохиолч А.Милн өөрийн хүү К.Робин болон түүний тоглоомуудаас, гэр бүлийнхээ амьдарч байсан жижигхэн эдлэн газрынхаа эргэн тойрон, сэтгэл сэргээм байгалийн гоо сайхнаас урам зориг авч, дэлхийн хүүхэд багачуудад итгэл үнэмшил, баяр хөөр авчрах бүтээлийг хэрхэн бий болгож байгааг харуулсан түүх. 

-Dunkirk-

21-р зууны хамгийн нөлөө бүхий найруулагчдын нэг, киноны борлуулалтаараа бүх цаг үеийн жагсаалтын тэргүүн эгнээнд бичигдэх Кристофер Ноланыг анх удаа Оскарт нэр дэвшүүлсэн кино бол Dunkirk. Дайны сэдэвт кинонуудад шинэ жишиг тогтоож, сэтгэл хөдөлгөсөн өрнөлийг сэтгэл догдлуулсан мөчүүдтэй гайхалтайгаар зэрэгцүүлж чадсанаараа энэ кино 2017 оны хамгийн шилдэг бүтээлүүдийн нэг гарцаагүй мөн. Дээрээс нь домогт хөгжмийн зохиолч Ханс Зиммер киноны турш сэтгэл тавгүйтүүлсэн атлаа киноны эхлэлээс төгсгөл хүртэлх бүх үйл явдлыг хүүрнэн өгүүлэх аялгуугаараа таныг бүрэн эзэмдэх болно.

-Murder on the Orient Express-

Нийт 2 тэрбум хувь ном борлуулснаараа түүхэн дэх хамгийн амжилттай зохиолч хэмээн Гиннесийн номонд бүртгэгдсэн Агата Кристигийн зохиол болохоор энэ кино хүлээлт өндөртэй кинонуудын нэг. Алдарт мөрдөгч Эркюль Пуарогийн шинэ үеийн цувралын эхлэл болсон байж ч болох энэ кино үзэгчдийн итгэлийг алдсангүй, нууцлаг байдал, эргэлзүүлж, уймруулж бас гайхшируулсан мөчүүдээр дүүрэн өрнөлтэй.