БАРИМТ 1
Diamond Sutra буюу Очир эрдэнийн судар нь өнөө үед бүрэн эхээрээ хадгалагдан үлдсэн дэлхийн хамгийн эртний он сар нь тодорхой хэвлэмэл номд тооцогддог.
БАРИМТ 2
Судрыг МЭ 868 оны тавдугаар сарын 11-нд хэвлэсэн тухай төгсгөл хэсэгт нь тэмдэглэн үлдээжээ.
БАРИМТ 3
Энэхүү бүтээл Тан улсын үед БНХАУ-д хэвлэгджээ.
БАРИМТ 4
“Очир эрдэнийн судар” нь Буддын шашны Махаяна урсгалын “Пражняпарамита” буюу “Төгс мэргэн ухааны” судрын бүлэгт багтдаг.
БАРИМТ 5
Судрын санскрит нэр нь “Важраччхедика Пражняпарамита судар” юм.
БАРИМТ 6
“Очир” гэх нэр нь аливаа мунхаг, төөрөгдлийг таслагч мэргэн ухааны бэлгэдэл ажээ.
БАРИМТ 7
Судрыг модон барын аргаар хэвлэсэн нь тухайн үеийн өндөр хөгжсөн хэвлэлийн технологийг харуулдаг.
БАРИМТ 8
Ном нь урт хуйлмал хэлбэртэй бөгөөд дэлгэхэд ойролцоогоор 5 метр урт болдог.
БАРИМТ 9
Судрын эхэнд Будда шавь Субхутид сургаал айлдаж буй зураг бий.
БАРИМТ 10
Судрыг Ван Же нэртэй хүн эцэг эхийнхээ дурсгалд зориулан хэвлүүлсэн тухай тэмдэглэл байдаг.
БАРИМТ 11
Уг судар Европт Гутенбергийн хэвлэх машинаас бараг 600 жилийн өмнө бүтээгдсэн байна.
БАРИМТ 12
Судрыг хэвлэхдээ бүх хуудсыг гараар модон хавтан дээр сийлжээ.
БАРИМТ 13
Судрыг 1900 онд Дуньхуаны Могаогийн агуйн “Номын агуй”-гаас олсон байна.
БАРИМТ 14
Номын агуй нь олон мянган гар бичмэл, судар хадгалж байсан нууц агуулах байжээ.
БАРИМТ 15
Агуйг хэдэн зуун жилийн турш битүүмжилсэн байсан тул судар маш сайн хадгалагдсан аж.
БАРИМТ 16
Судрыг анх Даос лам Ван Юаньлу олсон гэдэг.
БАРИМТ 17
Британийн судлаач Аурел Стейн 1907 онд судрыг Их Британид авчирсан байна.
БАРИМТ 18
Өдгөө уг судар Их Британийн Үндэсний номын санд хадгалагдаж байна.
БАРИМТ 19
Судрыг маш эмзэг тул тусгай хамгаалалттай орчинд хадгалдаг.
БАРИМТ 20
“Очир эрдэнийн судар” нь хоосон чанар, үл баригдахуй, мэргэн ухааны тухай гүн ухааны сургаал агуулдаг.
БАРИМТ 21
Сударт “аливаа зүйл мөнх бус” гэсэн Буддын гүн ухааны санаа олонтаа гардаг.
БАРИМТ 22
Судрын төгсгөл хэсгийн үсэг, хэвлэл нь тухайн үеийн хятад хэвлэлийн урлагийн өндөр түвшнийг харуулдаг.
БАРИМТ 23
Дэлхийн хэвлэлийн түүх судлалд “Очир эрдэнийн судар”-ыг хувьсгал авчирсан бүтээл гэж үздэг.
БАРИМТ 24
ЮНЕСКО болон дэлхийн олон судлаачид уг судрыг хүн төрөлхтний бичиг соёл, хэвлэлийн өвийн хамгийн үнэт дурсгалуудын нэг хэмээн үнэлдэг байна.
