Өнгөрсөн арванхоёрдугаар 25-нд Увс аймгийн Зүүнхангай сумын малчин С.Гэрэлт-Од өөрийн нэг сартай хүүгээ харамсалтайгаар алдсан хэрэг гарсан. Тус сумын их эмч Л.Мянганбаяр хэт их улстөржсөнөөс болж бяцхан хүү амиа алдсан юм.
    Өнгөрсөн арванхоёрдугаар 25-нд Увс аймгийн Зүүнхангай сумын малчин С.Гэрэлт-Од өөрийн нэг сартай хүүгээ харамсалтайгаар алдсан хэрэг гарсан. Тус сумын их эмч Л.Мянганбаяр хэт их улстөржсөнөөс болж бяцхан хүү амиа алдсан юм. Тиймээс Л.Мянганбаярт тус аймгийн цагдаагийн хэлстээс эрүүгийн хэрэг үүсгэн шалгаж эхэлсэн. Тодруулбал, эрүүгийн хуулийн 272-т зааснаар эрүүгийн хэрэг үүсгэсэн байна. Тус зүйл ангид энэ хэргийн улмаас хүнд хор уршиг учирсан бол тодорхой албан тушаал эрхлэх, үйл ажиллагаа явуулах эрхийг хоёр жил хүртэл хугацаагаар хасах буюу хасахгүйгээр гурван жил хүртэл хугацаагаар хорих ял шийтгэнэ гэж заажээ.
   
    Хэргийг сануулбал, Хүүгийн биеийн байдал муудаж эхэлмэгц аав нь эмч дуудсан боловч Л.Мянганбаяр эмч “Намынхаа даргадаа үзүүл” хэмээн тоохгүй байжээ. Учир нь  Увс аймгийн Зүүнхангай сумаас аймгийн ИТХ-д МАН-аас сумын их эмч Л.Мянганбаяр, АН-аас Н.Зулбаяр, МАХН-аас Н.Пүрэвсүрэн нар дэвшиж, АН-аас нэр дэвшсэн Н.Зулбаяр ялалт байгуулсан байна.

    Үүнд өширхсөн эмч Л.Мянганбаяр түүнийг Намын даргадаа үзүүл хэмээн хүүхдийг нь эмчлэлгүй арав гаруй хоносон байна. Арга ядахдаа малчин С.Гэрэлт-Од эмнэлэгт очиж үзүүлэхэд Л.Мянганбаяр эмч хүүгийн чих нь өвдсөн гэсэн онош тавьж, тариа хийгээд буцаасан байна. Харин тэр шөнө нь хүү шөнөжингөө уйлагнаж, өглөө 09.00 цагт амьсгал хураасан аж.