ОХУ-ын “ТНТ” телевизээс зохион байгуулдаг  “Зөн билгийн тулаан-10” нэвтрүүлгийн шилдэг зөн билэгтэн Мохсем Норузи Монголын зөн билгийн академийн урилгаар өнөөдөр манай улсад ирлээ. Тэрбээр энэ сарын 17 хүртэл зургаан хоногийн хугацаатай манай улсад саатаж, 20 айл гэрийг тусгайлан хүлээж авч уулзахаар төлөвлөжээ. Мөн энэ сарын 16-нд 19 цагаас “Сөүл” ресторанд “Аз жаргалд хүрэх арга зам” сэдэвт лекц уншихаар болжээ. Лекцийн тасалбар 150 доллар бөгөөд очсон хүн бүрт зөн билэгтэн өөрийн гарын бэлгээ өгөхөөс гадна сайн энергиэсээ багаханыг ч болтугай түгээх гэнэ. Хэвлэлийн бага хурлын үеэр Мохсем Норузигээс цөөн асуултад хариулт авсан юм.

-Монгол ирсэн анхны сэтгэгдлээ хуваалцахгүй юу?

Монголд ирсэндээ маш их баяртай байна. Тэгээд Монгол хүмүүс та нарын дунд сууж буйдаа үнэхээр сэтгэл хангалуун байна. Би багаасаа дэлхийн талыг эзэлж байсан  Эзэн Чингис хааны нутагт очиж үзэх юмсан гэж мөрөөддөг байлаа. Өнөөдөр миний мөрөөдөл биеллээ шүү дээ.

-Монгол хүмүүс таньд ямархуу санагдав?

Өглөөхөн ирсэн болохоор олон хүнтэй уулзаж амжаагүй. Уулзсан цөөхөн хүнийг харахад харцнаас нь л сэтгэл сайтай, найрсаг хүмүүс гэдэг нь мэдрэгдэж байна.

-Яг Монголын хил рүү орж ирэхэд таньд ямар мэдрэмж төрөв?

Үнэнийг хэлэхэд маш эерэг энергитэй, их баялагтай улс гэдэг нь шууд мэдрэгдсэн.

-Монголчуудад захиж хэлэх зүйл байна уу?

Та бүхэн их эзэн Чингис хаан шигээ баатарлаг, хүчирхэг байгаарай. Надад мэдрэгдэж буй энэ сайхан зүйлс үнэн байгаасай, өвөг дээдсийнхээ үлдлээсэн энэ их өв баялгийг зөв зарцуулж, хамгаалж үнэлэхийг хүсч байна. Та бүхэнд жинхэнэ аз жаргалыг хүсье.

-Та 20 гэр бүлд л туслах уу?

Цөөхөн хоногоор ирсэн болохоор олон хүнд тусалж чадахгүй байх. Гэхдээ олон хүнд тус болохыг хичээж байна. Бурхнаас заяасан энергийнхээ багахан хэсгийг ч гэсэн та бүхэнд зориулах гэж байгаадаа баярлаж байна. Ямар хүмүүсийг надад үзүүлэхийг зохион байгуулж байгаа хүмүүс нь л мэдэх байх. Миний хувьд танай оронд ирсэн зочин шүү дээ.

-Та ирээдүйн талаар зөгнөсөн зүйл байгаа юу. Байвал хэлж болох уу?

Байгаа. Гэхдээ хэлэх шаардлагагүй гэж үзэж байна. Хүний амьдрал яаж ч өөрчлөгдөж болдог. Энэ бүхнийг дээд тэнгэр мэдэж байгаа. Ер нь хэний ч хэлсэн зөгнөл 100 хувь биелнэ гэж байдаггүй. 70-80 хувь нь үнэн байдаг.

-Вангагийн талаар та юу хэлэх вэ?

Вангаг маш хүчтэй, мундаг гэдгийг хэлье. Бид хоёр нэг өдөр төрсөн байдаг юм билээ. Түүнд дээд тэнгэрээс маш их хүч өгсөн. Хараагүй болсноор дэлхий ертөнцийг өөр нүдээр харах чадвартай болсон агуу хүн.

-Монголын бөөгийн шашныг юу гэж боддог вэ?

Монголын бөөгийн шашныг маш их хүндэлдэг.

-2012 онд дэлхий сөнөнө гэж яриад байгаа. Энэ үнэн үү. Хэрвээ сөнөвөл Монголчууд л үлдэнэ гэсэн яриа ч байгаа. Ийм зүйл болох боломжтой юу?

Хэрвээ дэлхий сөнөвөл бүх зүйл байхгүй болно. Ямар нэг газар зүгээр үлдэнэ гэсэн ойлголт байхгүй.

-Таныг наашаа авчирахад “Монголын зөн билгийн академи” хэдэн төгрөг өгсөн бэ?

Намайг Монголд авчирсан энэ академийнхандаа баярлалаа. Мэдээж миний визний зардлыг гаргаж, маш хурдан хугацаанд бүтээж өгсөн.

“Монголын зөн билгийн академи”-ийн тэргүүн Л.Өнөрбаяр:

-Яагаад Мохсем Норузиг Монголд авчирсан бэ?

ОХУ-ын зөн билгийн тулааны арав дахь нэвтрүүлгийн дараа манай үзэгчид энэ хүнийг авчраач гэсэн санал их тавих болсон. Тэгээд бид өнгөрсөн жил манайд хүрэлцэн ирсэн Мехтигээр дамжуулж энэ хүнтэй холбоо барьсан. Бидний саналыг ч маш уриалгахан хүлээж авсан л даа.

-Хэдэн хүнийг үзүүлэхийг танай академийнхнийг мэднэ гэлээ. 20 гэр бүлээ хэрхэн сонгох вэ?

Үзүүлэхийг хүссэн хүмүүс манай академид хандаарай.  Тэгээд тэндээс сонгоно. Ер нь 20-иос дээш гэр бүлийг хамруулахыг л хичээнэ.

-Үнэ тарифын хувьд хэд байх вэ?

Энэ хүн Ирандаа 2000 доллараар үздэг хүн. Дөнгөж саяхан ирсэн болохоор энэ асуудлаар ярилцаагүй байна. Өнөөдөртөө ярилцаад шийдвэр гаргана.

Б.Бурмаа

ОХУ-ын “ТНТ” телевизээс зохион байгуулдаг  “Зөн билгийн тулаан-10” нэвтрүүлгийн шилдэг зөн билэгтэн Мохсем Норузи Монголын зөн билгийн академийн урилгаар өнөөдөр манай улсад ирлээ. Тэрбээр энэ сарын 17 хүртэл зургаан хоногийн хугацаатай манай улсад саатаж, 20 айл гэрийг тусгайлан хүлээж авч уулзахаар төлөвлөжээ. Мөн энэ сарын 16-нд 19 цагаас “Сөүл” ресторанд “Аз жаргалд хүрэх арга зам” сэдэвт лекц уншихаар болжээ. Лекцийн тасалбар 150 доллар бөгөөд очсон хүн бүрт зөн билэгтэн өөрийн гарын бэлгээ өгөхөөс гадна сайн энергиэсээ багаханыг ч болтугай түгээх гэнэ. Хэвлэлийн бага хурлын үеэр Мохсем Норузигээс цөөн асуултад хариулт авсан юм.

-Монгол ирсэн анхны сэтгэгдлээ хуваалцахгүй юу?

Монголд ирсэндээ маш их баяртай байна. Тэгээд Монгол хүмүүс та нарын дунд сууж буйдаа үнэхээр сэтгэл хангалуун байна. Би багаасаа дэлхийн талыг эзэлж байсан  Эзэн Чингис хааны нутагт очиж үзэх юмсан гэж мөрөөддөг байлаа. Өнөөдөр миний мөрөөдөл биеллээ шүү дээ.

-Монгол хүмүүс таньд ямархуу санагдав?

Өглөөхөн ирсэн болохоор олон хүнтэй уулзаж амжаагүй. Уулзсан цөөхөн хүнийг харахад харцнаас нь л сэтгэл сайтай, найрсаг хүмүүс гэдэг нь мэдрэгдэж байна.

-Яг Монголын хил рүү орж ирэхэд таньд ямар мэдрэмж төрөв?

Үнэнийг хэлэхэд маш эерэг энергитэй, их баялагтай улс гэдэг нь шууд мэдрэгдсэн.

-Монголчуудад захиж хэлэх зүйл байна уу?

Та бүхэн их эзэн Чингис хаан шигээ баатарлаг, хүчирхэг байгаарай. Надад мэдрэгдэж буй энэ сайхан зүйлс үнэн байгаасай, өвөг дээдсийнхээ үлдлээсэн энэ их өв баялгийг зөв зарцуулж, хамгаалж үнэлэхийг хүсч байна. Та бүхэнд жинхэнэ аз жаргалыг хүсье.

-Та 20 гэр бүлд л туслах уу?

Цөөхөн хоногоор ирсэн болохоор олон хүнд тусалж чадахгүй байх. Гэхдээ олон хүнд тус болохыг хичээж байна. Бурхнаас заяасан энергийнхээ багахан хэсгийг ч гэсэн та бүхэнд зориулах гэж байгаадаа баярлаж байна. Ямар хүмүүсийг надад үзүүлэхийг зохион байгуулж байгаа хүмүүс нь л мэдэх байх. Миний хувьд танай оронд ирсэн зочин шүү дээ.

-Та ирээдүйн талаар зөгнөсөн зүйл байгаа юу. Байвал хэлж болох уу?

Байгаа. Гэхдээ хэлэх шаардлагагүй гэж үзэж байна. Хүний амьдрал яаж ч өөрчлөгдөж болдог. Энэ бүхнийг дээд тэнгэр мэдэж байгаа. Ер нь хэний ч хэлсэн зөгнөл 100 хувь биелнэ гэж байдаггүй. 70-80 хувь нь үнэн байдаг.

-Вангагийн талаар та юу хэлэх вэ?

Вангаг маш хүчтэй, мундаг гэдгийг хэлье. Бид хоёр нэг өдөр төрсөн байдаг юм билээ. Түүнд дээд тэнгэрээс маш их хүч өгсөн. Хараагүй болсноор дэлхий ертөнцийг өөр нүдээр харах чадвартай болсон агуу хүн.

-Монголын бөөгийн шашныг юу гэж боддог вэ?

Монголын бөөгийн шашныг маш их хүндэлдэг.

-2012 онд дэлхий сөнөнө гэж яриад байгаа. Энэ үнэн үү. Хэрвээ сөнөвөл Монголчууд л үлдэнэ гэсэн яриа ч байгаа. Ийм зүйл болох боломжтой юу?

Хэрвээ дэлхий сөнөвөл бүх зүйл байхгүй болно. Ямар нэг газар зүгээр үлдэнэ гэсэн ойлголт байхгүй.

-Таныг наашаа авчирахад “Монголын зөн билгийн академи” хэдэн төгрөг өгсөн бэ?

Намайг Монголд авчирсан энэ академийнхандаа баярлалаа. Мэдээж миний визний зардлыг гаргаж, маш хурдан хугацаанд бүтээж өгсөн.

“Монголын зөн билгийн академи”-ийн тэргүүн Л.Өнөрбаяр:

-Яагаад Мохсем Норузиг Монголд авчирсан бэ?

ОХУ-ын зөн билгийн тулааны арав дахь нэвтрүүлгийн дараа манай үзэгчид энэ хүнийг авчраач гэсэн санал их тавих болсон. Тэгээд бид өнгөрсөн жил манайд хүрэлцэн ирсэн Мехтигээр дамжуулж энэ хүнтэй холбоо барьсан. Бидний саналыг ч маш уриалгахан хүлээж авсан л даа.

-Хэдэн хүнийг үзүүлэхийг танай академийнхнийг мэднэ гэлээ. 20 гэр бүлээ хэрхэн сонгох вэ?

Үзүүлэхийг хүссэн хүмүүс манай академид хандаарай.  Тэгээд тэндээс сонгоно. Ер нь 20-иос дээш гэр бүлийг хамруулахыг л хичээнэ.

-Үнэ тарифын хувьд хэд байх вэ?

Энэ хүн Ирандаа 2000 доллараар үздэг хүн. Дөнгөж саяхан ирсэн болохоор энэ асуудлаар ярилцаагүй байна. Өнөөдөртөө ярилцаад шийдвэр гаргана.

Б.Бурмаа