Зимбабве улс санхүүгийн хувьд тун хүнд байдалд орсон талаар “CNN” онцолжээ. Зимбабве улс санхүүгийн хувьд тун хүнд байдалд орсон талаар “CNN” онцолжээ. Тус улсын Сангийн сайд Тендай Бити өчигдөр улсын сан хөмрөгт нь 217 ам.доллар үлдсэн хэмээн мэдэгдсэн байна. Тэрбээр энэхүү ноцтой асуудлын шалтгааныг төрийн дээд албан хаагчдын цалинтай холбон тайлбарласан байна.
Ноён Тендай Бити “Төрийн албан хаагчдын зарим нь улсын төсөвт байгаагаас хэд дахин илүү хэмжээний хадгаламжтай” хэмээн онцолжээ. Мөн тус орны засаг захиргаа Үндсэн хуулиа шинэчлэх, 2014 оны сонгуулийг явуулах мөнгөгүйгээ мэдэгдсэн байна.
Олон улсаас санхүүгийн тусламж хүсч хандахаас өөр замгүй болсныг Тендай Бити хэлжээ. Зимбабвегийн 2013 оны төсөв 3,8 тэрбум ам.доллараар төлөвлөгдсөн бөгөөд эдийн засгийн өсөлт нь таван хувь байх гэнэ. Өдгөө тус орны хүн амын 90 хувь нь ажилгүйчүүд ажээ.
Гипер инфляцийн улмаас тус улс 2009 онд дотоодын мөнгөн тэмдэгтээс татгалзаж, ам.долларт шилжсэн юм. Одоо тус орны эдийн засгийн байдал тогтворжих талдаа байгаа ч санхүү нь хүнд байдалд байна.
Сэтгэгдэл (3)