Өнөөдөр Монголын кино урлагийн зөвлөл, МУАХ-ын кино нийгэмлэг, Кино нэгтгэлийн ахмадын холбоо зэрэг газраас хэвлэлийн бага хурал зарласан юм. Энэхүү газруудын тэргүүнүүдийн хэлж буйгаар "Ж.Солонгын үед энэ байгууллага улсын төсвийн хөрөнгөөр бүрдүүлж бий болгосон барилга, киноны мэргэжлийн техник, тоног төхөөрөмжийг зориулалтаар нь ашиглахгүй, шинэчлэл хийхгүй өнөөг хүрсэн. Монгол кино нэгтгэл улсын төсвөөс санхүүжиж уран сайхны болон баримтат кино хийхдээ мэргэжлийн биш байж Ж.Солонго ерөнхий найруулагч нэрээр ажилладаг, энэ нь техникийн болон уран сайхны ямарч шаардлага хангахгүй. Эл байдал нь удаа дараа тогтоогдсон боловч ямар ч арга хэмжээ авдаггүй. Энэ талаар санал санаачлага гаргаж, шаардлага тавьсан уран бүтээлч ажилтнуудтай зүй бус харьцаж төрийн ажилтны хувьд ёс зүйгүй авир гаргадаг. Түүнчлэн анх ахмад киночдын хүч хөдөлмөр, сэтгэл зүрхээр улсын сургууль хэмээн байгуулаглсан Кино урлагийн дээд сургууль учир битүүлгээр Ж.Солонгын хувийн сургууль болсон. Мөн улсын үйлдвэрүүдэд хийгддэг удаа дараагийн шалгалтуудаар Ж.Солонгын ажил сайн дүнтэй гардаг нь түүний эхнэр он удаан жил төрийн алба хашсан нэгэн байдагтай холбоотой. 

Одоо эхнэр Ш.Солонго нь Засгийн газрын хэрэг эрхлэх газрын дарга Ч. Сайханбилэгийн удирдлага дор  дэд даргаар ажиллаж байгаа учир түүний хаацайлалтаар ийм үнэлгээ авсаар байдаг.  Иймд монгол киноны төлөө санаа зовж явдаг, нэгэн үе энэ байгууллагад зүтгэн ажиллаж байсан ахмадууд, залуу үеийнхэн Монгол кино нэгтгэлийг Монгол киноны бодлогыг зөв тодорхойлж, цаг үеийн шаардлага, нийгэм орчиндоо зохицсон мэргэжлийн урлагийн байгууллага байлгах үүднээс тус байгууллагын удирдлага Ж.Солонгыг огцруулах хэрэгтэй" гэсэн юм.