Засгийн газрын гишүүн, ЗТБХБ-ын сайд Х.Баттулга Засгийн газар болон намынхаа даргын эсрэг хөдөлж эхлэв. Тэрбээр ирэх сонгуульд намаа ялуулж ерөнхий сайд болох том амбицтай байгаагийн илрэл нь энэ гэж эх сурвалж мэдээллээ. Энэ зорилгодоо хүрэхийн тулд Х.Баттулга юуны түрүүнд АН-ынхаа ҮЗХ-г удахгүй хуралдуулах шаардлага тавиад байна. АН-ын ҮЗХ энэ сарын 28-нд болох МАН-ын Бага хурлын дараа буюу 12 дугаар сарын эхээр хуралдах тов тогтоох гэж байгаа аж. МАН-ын Бага хурлаар онцын асуудал хэлэлцэхгүй, мөрийн хөтөлбөрийн биелэлт, Засгийн газрын хөтөлбөрийн хэрэгжилтийг яриад л өнгөрнө. Харин АН-ын ҮЗХ-ны шийдвэр нийгэмд дуулиан дэгдээхээр болчихоод байна. Учир нь АН-ын ҮЗХ-нд МоАХ, Ардчилсан хүчний холбоо олонхи болж, “Алтангадас” цөөнх болсон билээ. Тиймээс энэ боломжийн ашиглаад Х.Баттулга шийдвэртэй хөдлөх гэж байна. Тэрбээр ҮЗХ-ндоо олонх болохын тулд дөрвөн жил ажилласан юм. Одоо үр дүн нь гарна. Тиймээс Х.Баттулга сүүлийн үед намын дарга Н.Алтанхуягтайгаа таарч тохирохоо больсон бөгөөд Засгийн газрын хуралдааны үеэр ч ам мурийх явдал цөөнгүй гарчээ. Энэ нь тэдний зөрчил ил цагаандаа гарсаныг илтгэнэ. Тиймээс Х.Баттулга сайд АН хамтарсан Засгийн газарт орсоныхоо тайланг хэлэлцэхийг шаардаж эхэлсэн юм. Тус намын ҮЗХ-нд олонх болсон МоАХ, Ардчилсан хүчний холбоо намын даргынхаа тайланг сонсоогүй байж урьдчилаад муу тавьчихаад байгаа. Одоогийн байдлаар улсын хэмжээнд хийж буй бүхий л судалгааны эхний 20 шилдэг улс төрчдийн жагсаалтанд АН-ын дарга Н.Алтанхуягийн нэр байхгүй. Ийм даргатайгаар сонгуульд орохгүй гэж МоАХ үзэх болжээ. Тиймээс намын даргаа өөрчилж Х.Баттулгыг нэгдүгээр ээлжинд гаргаж ирэх тоглолт бараг бэлэн боллоо. Энэ ажиллагааг Ардчилсан хүчний холбоог тэргүүлж байгаа З.Энхболд зохион байгуулж эхэлжээ. Ийнхүү Х.Баттулга, З.Энхболд нарын тооцоогоор АН хамтарсан Засгийн газраас гарч, сөрөг хүчнийхээ байр сууринд шилжиж сонгуульд орвол ялалт байгуулах боломжтой болох аж. Тэд энэ тооцоогоо хэрэгжүүлж чадвал дараагийн сонгуульд АН-ыг олонх, Х.Баттулгыг ерөнхий сайд болгох төлөвлөгөөг бэлджээ

Засгийн газрын гишүүн, ЗТБХБ-ын сайд Х.Баттулга Засгийн газар болон намынхаа даргын эсрэг хөдөлж эхлэв. Тэрбээр ирэх сонгуульд намаа ялуулж ерөнхий сайд болох том амбицтай байгаагийн илрэл нь энэ гэж эх сурвалж мэдээллээ. Энэ зорилгодоо хүрэхийн тулд Х.Баттулга юуны түрүүнд АН-ынхаа ҮЗХ-г удахгүй хуралдуулах шаардлага тавиад байна. АН-ын ҮЗХ энэ сарын 28-нд болох МАН-ын Бага хурлын дараа буюу 12 дугаар сарын эхээр хуралдах тов тогтоох гэж байгаа аж. МАН-ын Бага хурлаар онцын асуудал хэлэлцэхгүй, мөрийн хөтөлбөрийн биелэлт, Засгийн газрын хөтөлбөрийн хэрэгжилтийг яриад л өнгөрнө. Харин АН-ын ҮЗХ-ны шийдвэр нийгэмд дуулиан дэгдээхээр болчихоод байна. Учир нь АН-ын ҮЗХ-нд МоАХ, Ардчилсан хүчний холбоо олонхи болж, “Алтангадас” цөөнх болсон билээ. Тиймээс энэ боломжийн ашиглаад Х.Баттулга шийдвэртэй хөдлөх гэж байна. Тэрбээр ҮЗХ-ндоо олонх болохын тулд дөрвөн жил ажилласан юм. Одоо үр дүн нь гарна. Тиймээс Х.Баттулга сүүлийн үед намын дарга Н.Алтанхуягтайгаа таарч тохирохоо больсон бөгөөд Засгийн газрын хуралдааны үеэр ч ам мурийх явдал цөөнгүй гарчээ. Энэ нь тэдний зөрчил ил цагаандаа гарсаныг илтгэнэ. Тиймээс Х.Баттулга сайд АН хамтарсан Засгийн газарт орсоныхоо тайланг хэлэлцэхийг шаардаж эхэлсэн юм. Тус намын ҮЗХ-нд олонх болсон МоАХ, Ардчилсан хүчний холбоо намын даргынхаа тайланг сонсоогүй байж урьдчилаад муу тавьчихаад байгаа. Одоогийн байдлаар улсын хэмжээнд хийж буй бүхий л судалгааны эхний 20 шилдэг улс төрчдийн жагсаалтанд АН-ын дарга Н.Алтанхуягийн нэр байхгүй. Ийм даргатайгаар сонгуульд орохгүй гэж МоАХ үзэх болжээ. Тиймээс намын даргаа өөрчилж Х.Баттулгыг нэгдүгээр ээлжинд гаргаж ирэх тоглолт бараг бэлэн боллоо. Энэ ажиллагааг Ардчилсан хүчний холбоог тэргүүлж байгаа З.Энхболд зохион байгуулж эхэлжээ. Ийнхүү Х.Баттулга, З.Энхболд нарын тооцоогоор АН хамтарсан Засгийн газраас гарч, сөрөг хүчнийхээ байр сууринд шилжиж сонгуульд орвол ялалт байгуулах боломжтой болох аж. Тэд энэ тооцоогоо хэрэгжүүлж чадвал дараагийн сонгуульд АН-ыг олонх, Х.Баттулгыг ерөнхий сайд болгох төлөвлөгөөг бэлджээ