Камбожийн хаан асан Нородом Сиханоук 89 насандаа өнгөрсөн 10-р сард Бээжин хотод таалал төгссөн билээ. Талийгчийн туслах, хунтайж Сисоуад Томико түүнийг Бээжингийн эмнэлэгт зүрхний шигдээсээр нас барсан хэмээжээ. Харин өнөөдөр Камбожийн иргэд эзэн хаанаа сүүлийн замд нь үдэх ёслол хийлээ.

  Нородом Сиханоук эрүүл мэндийн шалтгааны улмаас 2004 онд албан тушаалаа хүүдээ өвлүүлсэн. Тэрээр өнгөрсөн нэгдүгээр сараас Бээжингийн эмнэлэгт хэвтэж байхдаа хорт хавдар, чихрийн шижин, цусны даралт гэх мэт олон өвчний ард гарсан юм.