Сүүлийн үед “Цагаан сарын” баяр болж байгаатай холбогдуулан гэмт хэргийн гаралт ихэсч буйг ЦЕГ-аас сэрэмжлүүлж байна. Ялангуяа шөнийн цагаар таксинд суухдаа анхаарал болгоомжтой байхыг анхаарууллаа. Тодруулбал, 2-3 хоногийн өмнө БЗД-ийн 19 дүгээр хороо буюу Цайз захын орчим таксигаар үйлчлүүлсэн 20-23 настай эмэгтэйг таксины жолооч хүчиндэхийг завдсан хэрэг гарсан байна. Эмэгтэй Цайз захын орчмоос Цагаан даваа орохоор таксинд суусан аж. Харин буух үед нь таксины жолооч болох 30 орчим насны залуу цахилгаан бороохойгоор сүрдүүлж хүчиндэхийг завдсан байна. Азаар машины хаалга онгорхой байсан тул эмэгтэй зугтаж амжжээ. Мөн  4-5-нд шилжих шөнө “Говь Саун”-аас Вокзал хүргүүлэхээр суусан эмэгтэйг харанхуй газар аваачин, эд зүйлс, гар утсыг нь дээрэмдсэн хэрэг гарсан. Иймээс болгоомжтой байхыг ЦЕГ-аас анхааруулж байна.