АНУ-ын Алабама мужид таван настай хүүг хулгайлсан этгээд амиа хорлож, хүү аврагдсан талаар “CNN” мэдээллээ.

АНУ-ын Алабама мужид таван настай хүүг хулгайлсан этгээд амиа хорлож, хүү аврагдсан талаар “CNN” мэдээллээ.

Хүүхдийн аюулгүй байдал хангагдахаа больсон АНУ-ын энэ хэрэг долоо хоногийн турш олон улсын анхаарлыг татаж байсан юм. Бяцхан хүүг зургаан өдрийн турш барьцаалсан этгээд цагдаа нар хоргодох байр луу нь дайрах үед амиа хорлосон байна.

Холбооны мөрдөх товчооны ажилтан Стив Ричардсоны мэдээлснээр хүүхэд барьцаалсан этгээдийг 65 настай, усан цэргийн томоохон алба хашиж байсан Жимми Ли Дайкс гэгч болохыг тогтоожээ. Жимми Ли өнгөрсөн долоо хоногийн пүрэв гарагт таван настай хүү Этаныг сургуулийн автобуснаас хулгайлан авч зугтахдаа автобусны жолоочийг буудан хөнөөсөн юм.

Цагдаа нар орон нутгийн цагаар даваа гаргийн 15:12 цагт хэрэгтний гэр лүү дйарсан байна. Хөршийн мэдүүлснээр энэ үед хэрэгтэн буу барьж байсан бөгөөд буун дуу гарсан гэжээ.

Гэрчүүдийн мэдүүлснээр пүрэв гарагт Жимми Ли сургуулийн автобусыг зогсоож 6, 8 настай хоёр хүүхдийг буулгахыг жолоочоос шаардсан байна. Автобусны жолооч түүний гарыг хаалганд хавчуулж хаагаад хөдлөх гэж байтал хэрэгтэн түүнийг буудаж амийг нь бүрэлгэжээ.

Зургаан өдрийн барьцааны турш цагдаа нар түүнтэй тохиролцохыг хүссэн ч үр дүнд хүрээгүй байна. Гэхдээ албаны хүмүүс түүнийг чухам юу шаардсаныг олонд мэдээлэхгүй гэжээ.

Хүүг эцэг эхэд нь өгч, эмнэлэгт хүргэсэн байна.