Дуучин Хангэрэл буюу Хаазаа Хууль зүйн яаманд өргөдөл гаргажээ. Тодруулбал, тэрээр өөрийнх нь машины дугаарыг хураан авсан Замын цагдаагийн газрын дэд хурандаа С.Энхтөрийг дугаарыг нь хууль бусаар хураан авсан тул энэ хүнд арга хэмжээ авч өгнө үү хэмээн Хууль зүйн яаманд өргөдөл гаргасан юм байна.

Тэгвэл энэ талаар Т.Хангэрэл байр сууриа илэрхийллээ. "Нэг сарын 22-ны өглөө би гэрийнхээ гадна гараашнаас машинаа гаргаж байтал цонхны шил арчигч дээр бичиг үлдээсэн байсан. Тэр нь холбогдох хүмүүстэй уулзана уу гээд утасны дугаар тавьсан бичсэн байлаа. Ингээд залгатал ирж уулз гэсэн. Намайг очиход Пүрэвдорж дэслэгч надад 570 маркийн улсын дугаар нь ижил сейр, үсэгтэй зураг үзүүлсэн.

Тэр машиныг минийх болгох гэж оролдсон. Ингээд би  570 машин нь надтай хамааралгүй нь үнэн гэсэн тодорхойлолт бичиж өгсөн. Гэтэл миний гэрчилгээг хурааж авсан. Тэгээд маргааш нь С.Энхтөр дэд хурандаа над руу залгаад бичиг баримтаа ав гэсэн. Авахаар очтол бичиг баримт чинь ирээгүй байна хүлээ гэв. Тэгэхэд нь би та нар ямар хүнд сурталтай юм бэ гэдгийг хэлсэн. Гэтэл чамайг чирэгдүүлсэн юм байхгүй. Чамайг эрүүгийн тасагруу шилжүүлнэ гэсэн. Ингээд удалгүй Замын цагдаа дээр энэ улсын дугаар бол таны нэр дээр байдаг нь үнэн байна гээд бичиг баримт буцааж өгсөн. Улмаар эгдүгээр сарын 29-ны өдөр надруу эрүүгийн төлөөлөгч гэх хүн залгасан. Мөн л та ирж уулзана уу тодруулах юм байна гэсэн. Очтол гэрчилгээгээ, улсын дугаартайгаа авчир хураалга гэж байгаа юм. Энэ нь ямар үндэслэлтэй юм бол гэтэл яамнаас бичиг ирсэн. Таны улсын дугаарыг хураа гэдэг шийдвэр гарсан гэв. Ингээд би миний нэр дээр байгаа дугаарыг та нар яагаад хураах болчив гэж асуусан. Мөн Зам тээврийн яам болон холбогдох газруудаар нь явна гэсэн. Наад асуудлыг чинь тодруулна гээд маргааш нь зам тээврийн яам ороод гомдолтой байгаагаа хэлж хүсэлт гаргасан.  Ингээд Зам тээврийн яамнаас, Замын цагдаа руу явсан хуулбар бичгийг гаргуулж авсан.

Үүн дээр миний үнэмлэх дугаарыг хураах биш, миний нэр дээр давхар дугаартай байсан Ланд-570 машины улсын дугаарыг, гэрчилгээний хамт ирүүлж тусална уу гэсэн байгаа. Цагдаа хүн бол хүний ямар ч нууцыг хамгаалах ёстой гэтэл Цамын цагдаа С.Энхтөр гэх этгээд намайг 3 үнэмлэхтэй гэж хэвлэл мэдээллээр цацаад, элдвээр бичигдэхэд хүргэсэн. Иймээс би Хуульзүйн яаманд гомдол гаргасан. Би автотээврийн газрын даргад хүсэлт тавьж энэ дугаарыг авч байсан" гэв.