Монголын хип хоп хамтлагуудын анхдагчдын нэг “Ice top” хамтлаг 16 насныхаа төрсөн өдрөө энэ сарын 12-нд “Улаанбаатар палас”-т тэмдэглэх гэж байна. Тоглолтонд Т.Дэлгэрмөрөн, Эгшиглэн, Үүрээ, Баярцэцэг, “Жонон”, “Гурван охин”, Номин талст” хамтлаг зэрэг тэдэнтэй 16 жилийн туршид хамтарч ажилласан уран бүтээлийн андууд нь оролцох аж. Тасалбар 21 мянга болон 100 мянган төгрөгийн үнэтэйгээр зарагдаж байгаа бөгөөд 100 мянган төгрөгийн үнэтэй тасалбарт VIP суудал, тоглолтын хүлээн авалтанд оролцох эрх дагалдах юм. Тэд анх байгуулагдсан бүрэлдэхүүнээрээ тоглолтоо хийхийг зорьж байгаа юм билээ. Хип хопд дуртай залуустаа тэд шоу ертөнцийн өөр өнгө, амтыг мэдрүүлэхээ амлаад байна.