Хятадын цагдаа нэг хүүхдийн бодлогоос болж нярайг хөнөөгдсэн хэрэгт парламентын хоёр ажилтанг буруутган баривчилсан талаар “BBC”онцолжээ.

   

    Хятадын цагдаа нэг хүүхдийн бодлогоос болж нярайг хөнөөгдсэн хэрэгт парламентын хоёр ажилтанг буруутган баривчилсан талаар “BBC”онцолжээ.

    Сяньхуа агентлагийн мэдээлснээр баривчлагдсан хоёр ажилтан гурван хүүхэдтэй эцэг эхийг торгоно, баривчилна хэмээн дарамталсан байна. Энэхүү маргааны үеэр эцэг эх 13 сартай хүүгээ түр мартан газар тавьсан байжээ. Хамгийн харамсалтай нь хүү дээрх албан хаагчдын машинд дайрагдаж амиа алдсан байна.

    Энэ харгис хэрэг гарснаас хойш буюу даваа гаргаас эхлэн Хятадын бухимдсан олон мянган оршин суугчид орон нутгийн захиргааны гадаа жагссаар байна.

    Хятадын нэг хүүхдийн бодлого нь 30 гаруй жилийн турш хэрэгжиж байгаа юм. Гэхдээ энэхүү хуулиар хотын төв хэсэгт оршин суудаг гэр бүл л зөвхөн нэг хүүхэдтэй байж болохыг хатуу заасан байдаг байна. Даваа гаргийн хэрэг Жежиань дүүргийн Веньжоу хотын Маю тосгонд буюу хөдөө нутагт болсон юм.

    Даваа гарагт Коммунист намын орон нутгийн 11 ажилтан хүүгийн эцэг эх Чен Лианди, Ли Юхонг нарыг гурав дахь хүүхэддээ торгууль төлөхийг шаардсан байна.

    Ноён Чений мэдүүлснээр төрийн албан хаагчид түүнээс 30-40 мянган юань төлөхийг шаардсан байна. Хэрвээ төлөхгүй бол түүнийг баривчилна хэмээн дарамталсан аж.

    Хүүгийн эцэг эх болон хөршүүдийг мэдүүлснээр эцэг эх нь албан хаагчидтай маргалдах байх үедээ хүүгээ газар тавьж мартсан байжээ. Маргасан байдал дундаа орж байхад албан хаагчдын нэг нь машинаа асаан явсан байна. Харамсалтай нь хүүгийн дээгүүр өнгөрч амийг нь хөнөөсөн байжээ.

    Одоогоор ачааны машины жолооч болон орон нутгийн Коммунист намын нарийн бичгийн дарга нарыг баривчлсан байна. Гэхдээ тэднийг буруутай гэж үзсэн эсэх, тйим бол хэрхэн шийтгэх талаар ямар нэгэн мэдээлэл хийгээгүй байгаа аж. Мөн төрийн албан хаагч хүүг санаатай дйарсан эсэхийг аль аль тал мэдээлээгүй байна.