Морио дээдэлдэг монголчууд хамгийн хүндтэй зочиндоо шандаст хүлгээ бэлэглэдэг билээ. Тиймээс ч Монгол Улсын Ерөнхийлөгч монголчууд бидний хүнд хэцүү үед тусламжийн гараа сунгасан Японы ард түмэнд удамт хөлгийнхөө өвөг болсон тахь бэлэглэсэн юм. Хоёр улсын найрамдал, хамтын ажиллагааны бэлэг тэмдэг болгон өгсөн тэр тахийг Европоос Япон улсад хүргүүлжээ.
Монгол Улсын Ерөнхийлөгчийн 2010 онд Япон улсад хийсэн айлчлалын үеэр Япончууд Монгол Улсаас зэрлэг тахь амьтны хүрээлэндээ авах хүсэлт гаргасан юм. Олон улсын конвенцийн дагуу зэрлэг ан амьтныг амьтны хүрээлэнд шилжүүлэхийг хориглодог бөгөөд харин нэг хүрээлэнгээс нөгөөд шилжүүлэхийг зөвшөөрдөг. Тиймээс удаан хугацаанд судалсны эцэст 2012 оны 12 дугаар сард Ерөнхийлөгчийн Тамгын газрын дарга П.Цагаан Токио хотын парламентын төлөөлөгчид уг төслийг хэрэгжүүлэх санамж бичигт нарын үсэг зурж, баталгаажуулсан юм.
Энэ удаад Монгол Улсын Ерөнхийлөгчийн Тамгын газар, “Олон улсын тахь групп” хамтын ажиллагааны хүрээнд Европын амьтны хүрээлэнгээс нэг эр, хоёр эм тахийг Токио хотын “ТАМА” амьтны хүрээлэнд хүргүүлэхээр Голланд улсын Амстердам хотоос хоёрдугаар сарын 6-ны буюу өнгөрсөн шөнө ачуулжээ. Монголын ард түмний нэрийн өмнөөс Монгол улсын Ерөнхийлөгчийн бэлэг болгон өгч буй тахь өнөөдөр онгоцоор шинэ нутагтаа газардсан байна.
Энэ төслийг хэрэгжүүлэхэд маш олон байгууллага, хүн оролцсон ч төсвөөс ямар нэгэн зардал гаргалгүй хамтын ажиллагааны хүрээнд шийдэж чадсан юм. Гурван тахийн хоёрыг Швейцарын, нэгийг Австрийн амьтны хүрээлэнгээс авч тодорхой хугацаанд ижилсүүлэн дасгажээ. Тахийг гурав хоног тусгай зориулалтын хайрцагт байлгаад тайвшруулах тариа хийж ачуулсан байна. Тээвэрлэлтийн үед Японы болон Швейцарын амьтны хүрээлэнгийн малын эмч, мэргэжилтнүүд хамт явж, хяналт тавин өвс, лууван, алим, ус өгч буй юм байна. Сонирхуулахад олон улсын хэмжээнд амьтны хүрээлэнгийн зориулалттай заан, анааш зэрэг амьтад, мөн уралдааны морьд тээвэрлэх тохиолдол олон гардаг аж. Гэхдээ тахийг онцгойлон битүү хайрцагт тээвэрлэжээ. Энэ нь монгол адуу, тахийн унаган төрх араншинг бодолцсонтой холбоотой болохыг тээврийн ажлыг зохион байгуулагчид онцолж байсан юм.
Хамгийн сүүлд авсан мэдээллээр тахинуудыг Токио хотын нисэх буудлаас Ёокохама хот дахь хорио цээрийн бүс рүү автомашинаар тээвэрлэн хүргэхээр хөдөлжээ. Тэндээс ойролцоогоор дөрөвдүгээр сард Токио хотын “ТАМА” амьтны хүрээлэнд хүргэн, албан ёсоор хүлээлгэж өгөх юм байна.
Төслийг хэрэгжүүлэгчид хамтран ажилласан Ерөнхийлөгчийн Тамгын газар, Олон улсын тахь групп, Токио хотын захиргаа, Монгол Улсын Байгаль орчин, ногоон хөгжлийн яам, Байгаль хамгаалах сан, Монгол улс дахь Японы улсын элчин сайдын яам, Япон дахь Монгол улсын элчин сайдын яам, тэдгээрийн хамт олонд талархал илэрхийлжээ.
Энэ удаад Монгол Улсын Ерөнхийлөгчийн Тамгын газар, “Олон улсын тахь групп” хамтын ажиллагааны хүрээнд Европын амьтны хүрээлэнгээс нэг эр, хоёр эм тахийг Токио хотын “ТАМА” амьтны хүрээлэнд хүргүүлэхээр Голланд улсын Амстердам хотоос хоёрдугаар сарын 6-ны буюу өнгөрсөн шөнө ачуулжээ. Монголын ард түмний нэрийн өмнөөс Монгол улсын Ерөнхийлөгчийн бэлэг болгон өгч буй тахь өнөөдөр онгоцоор шинэ нутагтаа газардсан байна.
Энэ төслийг хэрэгжүүлэхэд маш олон байгууллага, хүн оролцсон ч төсвөөс ямар нэгэн зардал гаргалгүй хамтын ажиллагааны хүрээнд шийдэж чадсан юм. Гурван тахийн хоёрыг Швейцарын, нэгийг Австрийн амьтны хүрээлэнгээс авч тодорхой хугацаанд ижилсүүлэн дасгажээ. Тахийг гурав хоног тусгай зориулалтын хайрцагт байлгаад тайвшруулах тариа хийж ачуулсан байна. Тээвэрлэлтийн үед Японы болон Швейцарын амьтны хүрээлэнгийн малын эмч, мэргэжилтнүүд хамт явж, хяналт тавин өвс, лууван, алим, ус өгч буй юм байна. Сонирхуулахад олон улсын хэмжээнд амьтны хүрээлэнгийн зориулалттай заан, анааш зэрэг амьтад, мөн уралдааны морьд тээвэрлэх тохиолдол олон гардаг аж. Гэхдээ тахийг онцгойлон битүү хайрцагт тээвэрлэжээ. Энэ нь монгол адуу, тахийн унаган төрх араншинг бодолцсонтой холбоотой болохыг тээврийн ажлыг зохион байгуулагчид онцолж байсан юм.
Хамгийн сүүлд авсан мэдээллээр тахинуудыг Токио хотын нисэх буудлаас Ёокохама хот дахь хорио цээрийн бүс рүү автомашинаар тээвэрлэн хүргэхээр хөдөлжээ. Тэндээс ойролцоогоор дөрөвдүгээр сард Токио хотын “ТАМА” амьтны хүрээлэнд хүргэн, албан ёсоор хүлээлгэж өгөх юм байна.
Төслийг хэрэгжүүлэгчид хамтран ажилласан Ерөнхийлөгчийн Тамгын газар, Олон улсын тахь групп, Токио хотын захиргаа, Монгол Улсын Байгаль орчин, ногоон хөгжлийн яам, Байгаль хамгаалах сан, Монгол улс дахь Японы улсын элчин сайдын яам, Япон дахь Монгол улсын элчин сайдын яам, тэдгээрийн хамт олонд талархал илэрхийлжээ.
Сэтгэгдэл (2)